મુંબઈ : જો તમે રિયાલિટી ટીવી અને ફેમિલી ડ્રામાના શોખીન છો, તો તૈયાર થઈ જાઓ! વિશ્વની સૌથી લોકપ્રિય અને ચર્ચિત અમેરિકન રિયાલિટી ટીવી શ્રેણી 'The Kardashians' હવે નવા અવતારમાં ભારતીય OTT પ્લેટફોર્મ પર પરત ફરી છે. Jio Hotstar પર આ શ્રેણીની સાત સીઝન રિલીઝ કરવામાં આવી છે, જે એટલી રોમાંચક અને નાટ્યાત્મક છે કે એક એપિસોડ જોયા પછી તમે બીજો જોયા વગર રહી શકશો નહીં.

આ સીરીઝ કાર્દાશિયન-જેનર પરિવારની મહિલાઓના જીવન પર આધારિત છે. કિમ કાર્દાશિયન, કાયલી જેનર, કેન્ડલ જેનર, ક્લોઈ અને કોર્ટની કાર્દાશિયનના વૈભવી જીવનની સાથે-સાથે તેમના અંગત વિવાદો, બ્રેકઅપ, બિઝનેસ સામ્રાજ્ય અને રોજબરોજના ઝઘડાઓને આ શોમાં ખૂબ જ નજીકથી દર્શાવવામાં આવ્યા છે. કુલ 20 સીઝનના આ લાંબા પ્રોજેક્ટમાંથી હાલમાં 7 સીઝન સ્ટ્રીમ થઈ રહી છે, જે દર્શકોને સતત જકડી રાખે છે.
 આ માત્ર એક શો નથી, પણ ગ્લેમર જગતની વાસ્તવિકતા છે. ચાહકોની ભારે માંગને ધ્યાનમાં રાખીને તેને વિવિધ OTT પ્લેટફોર્મ પર રિલીઝ કરવામાં આવી છે. આ શોની લોકપ્રિયતા પાછળનું કારણ એ છે કે તે દર્શકોને એવી દુનિયામાં લઈ જાય છે જે સામાન્ય માણસ માટે માત્ર એક સ્વપ્ન સમાન છે. શોમાં જે રીતે સંબંધોના ઉતાર-ચઢાવ બતાવવામાં આવ્યા છે, તે જોયા પછી તમને આગલો એપિસોડ જોવાની તાલાવેલી જાગશે અને કદાચ તમે રાતની ઊંઘ પણ બગાડશો!
જો તમે આ હાઈ-પ્રોફાઇલ ડ્રામાનો આનંદ માણવા માંગતા હોવ, તો Jio Hotstar પર આ શ્રેણી ઉપલબ્ધ છે. જો તમે હજુ સુધી આ શ્રેણી જોવાનું શરૂ નથી કર્યું, તો આજે જ તમારી 'વૉચલિસ્ટ'માં તેને ઉમેરી દો. આ શ્રેણીમાં ડ્રામા એટલો બધો છે કે તમે એક પણ મિનિટ માટે બોર થશો નહીં.