ચેન્નઈ : ફિલ્મ 'રામાયણ'માં માતા સીતાનું પાત્ર ભજવીને લોકપ્રિયતા મેળવનાર પ્રખ્યાત અભિનેત્રી સાઈ પલ્લવી હવે આગામી દિગ્દર્શકીય ફિલ્મ 'ઓમ: ચેપ્ટર ૧ - ઉધિરામ: ધ બ્લડ વુડ' માં આઈપીએસ (IPS) અધિકારી નિત્યા રેડ્ડીની મહત્વપૂર્ણ ભૂમિકા ભજવવા માટે સંપૂર્ણપણે તૈયાર છે.

પ્રાપ્ત વિગતો અનુસાર, અભિનેત્રી સાઈ પલ્લવી આ ફિલ્મમાં કેન્દ્રીય બ્યુરો ઓફ ઇન્વેસ્ટિગેશન (CBI) સાથે જોડાઈને લાલ ચંદનની દાણચોરીના ગંભીર કેસની તપાસ કરતી એક સક્ષમ અને નીડર પોલીસ અધિકારીના રોમમાં નજરે પડશે.

આંધ્રપ્રદેશના નેલ્લોર જિલ્લાની મૂળ રહેવાસી એવા નિત્યા રેડ્ડીનું પાત્ર જંગલો સાથે ગાઢ વ્યક્તિગત સંબંધ ધરાવે છે, કારણ કે તેના વન સેવાના અધિકારી પિતા આ જ જંગલોનું રક્ષણ કરતા કરતા શહીદ થયા હતા.

ફિલ્મમાં પોતાના અનુભવ વિશે વાત કરતા સાઈ પલ્લવીએ જણાવ્યું હતું કે દિગ્ગજ અભિનેતા મામૂટી અને ધનુષ સાથે કામ કરવું તેમના માટે એક અદ્ભુત અને શીખવા જેવો નવો અનુભવ રહ્યો છે તેમજ આ ફિલ્મમાં તેમણે કેટલાક શાનદાર સ્ટંટ સિક્વન્સ પણ કર્યા છે.

દિગ્દર્શકની સ્ત્રી પાત્રોને સચોટ રીતે આલેખવાની શૈલીના વખાણ કરતા અભિનેત્રીએ જણાવ્યું કે આ ફિલ્મમાં તેમનું પાત્ર અત્યંત જટિલ, બહુ-સ્તરીય અને દર્શકોને મંત્રમુગ્ધ કરી દે તેવું પ્રભાવશાળી છે.

આગામી આગામી ૨૦ નવેમ્બરના રોજ સિનેમાઘરોમાં રિલીઝ થનારી આ હાઈ-વોલ્ટેજ એક્શન ડ્રામા ફિલ્મને લઈને સિનેમા જગત અને ચાહકોમાં ભારે ઉત્સાહ જોવા મળી રહ્યો છે તથા તે બોક્સ ઓફિસ પર નવા રેકોર્ડ સર્જે તેવી પૂરી શક્યતા છે.