મુંબઈ : પોતાની અતરંગી અને સાહસિક ફેશન સ્ટાઇલ માટે જાણીતી ઉર્ફી જાવેદ ફરી એકવાર ચર્ચાના કેન્દ્રમાં છે. લોકપ્રિય રિયાલિટી શો 'સ્પ્લિટ્સવિલા 16' ના ગ્રાન્ડ ફિનાલેના શૂટિંગ દરમિયાન ઉર્ફી તેના અત્યંત ગ્લેમરસ ગોલ્ડન કટ-આઉટ ડ્રેસમાં જોવા મળી હતી. જોકે, આ વખતે માત્ર તેના કપડાં જ નહીં, પણ તેણે કરેલા એક દાવાએ પાપારાઝી અને સોશિયલ મીડિયા પર ખળભળાટ મચાવી દીધો છે. ઉર્ફીએ હસતા હસતા કેમેરા સામે કહ્યું, "કોઈ મોટી સેલિબ્રિટીએ મારી પહેલા આ જ ડ્રેસ પહેર્યો છે, શું કોઈને યાદ છે?"
 
પાપારાઝી સાથેની મજેદાર રમઝટ
ફિનાલેના સેટ પર જ્યારે પાપારાઝીએ ઉર્ફીના લુકના વખાણ કર્યા, ત્યારે તેણે સામે પ્રશ્ન પૂછ્યો કે, "કિસી કો યે ડ્રેસ યાદ હૈ?" જ્યારે ફોટોગ્રાફર્સે સામન્થા રૂથ પ્રભુનું નામ લીધું, ત્યારે ઉર્ફીએ તરત જ ના પાડી દીધી. તેણે સંકેત આપ્યો કે તે જે સેલિબ્રિટીની વાત કરી રહી છે તે સામન્થા નથી. ઉર્ફીના આ રહસ્યમય નિવેદને ચાહકોને જાસૂસી કરવા મજબૂર કરી દીધા હતા.
 
અનન્યા પાંડે કે સામન્થા? રહસ્ય પરથી ઉઠ્યો પડદો
સોશિયલ મીડિયાના 'ફેશન પોલીસ' એ ગણતરીની મિનિટોમાં શોધી કાઢ્યું કે ઉર્ફી કોની વાત કરી રહી હતી. ચાહકોના મતે, બોલિવૂડ એક્ટ્રેસ અનન્યા પાંડે એ અગાઉ ક્રેશા બજાજ દ્વારા ડિઝાઇન કરવામાં આવેલો આવો જ આકર્ષક ગોલ્ડન બોડીકોન ગાઉન પહેર્યો હતો. જોકે, સામન્થા પણ આ રેસમાં પાછળ નહોતી, તેણે પણ આવો જ પોશાક પહેર્યો હતો પણ તે બ્રાઉન શેડમાં હતો. આમ, ઉર્ફીએ આ ડ્રેસ દ્વારા ફરી એકવાર સાબિત કર્યું કે તે બોલિવૂડની ટોચની હિરોઈનોને ફેશનમાં ટક્કર આપી રહી છે.
 
સ્પ્લિટ્સવિલા 16: કોણ જીતશે ટ્રોફી?
ફેશનના આ જલસાની સાથે સ્પ્લિટ્સવિલાના ચાહકો માટે સૌથી મોટા સમાચાર એ છે કે શોનો ગ્રાન્ડ ફિનાલે શુક્રવાર અને શનિવાર, ૧૫ અને ૧૬ મે, ૨૦૨૬ ના રોજ સાંજે ૭ વાગ્યે MTV ઇન્ડિયા પર પ્રસારિત થશે. આ સિઝનના ટોચના ચાર યુગલો વચ્ચે કાંટાની ટક્કર જોવા મળશે:
•    સોરાબ બેદી અને નિહારિકા તિવારી
•    યોગેશ રાવત અને રૂરુ ઠાકુર
•    કુશલ તંવર (ગુલ્લુ) અને કાયરા
•    ટાયન અને સૌંદર્યા
ક્યાં જોઈ શકાશે ફિનાલે?
ટીવી ઉપરાંત, આ રોમાંચક ફિનાલે Jio Hotstar પર ઓનલાઈન સ્ટ્રીમિંગ માટે પણ ઉપલબ્ધ રહેશે. શું ઉર્ફીનો આ ગોલ્ડન લુક કોઈ ખાસ વિજેતાના નામ તરફ સંકેત આપી રહ્યો છે કે કેમ, તે જોવું રસપ્રદ રહેશે!