સુરત ગ્રામ્ય પોલીસ દ્વારા હાથ ધરાયેલા એક મોટા ઓપરેશનમાં 239 જેટલા શંકાસ્પદ બાંગ્લાદેશી નાગરિકોને ઝડપી પાડવામાં આવ્યા છે. જિલ્લા એલસીબી અને એસઓજી પોલીસે ગ્રામ્ય વિસ્તારના વિવિધ સ્થળો પર દરોડા પાડીને આ કાર્યવાહી કરી હતી. પકડાયેલા લોકોમાં બારડોલીમાંથી 43, પલસાણામાંથી 55, કડોદરામાંથી 29, કામરેજમાંથી 35, કીમમાંથી 12, કોસંબામાંથી 25, ઓલપાડમાંથી 33 અને માંડવીમાંથી 7 લોકોનો સમાવેશ થાય છે. હાલમાં પોલીસ દ્વારા આ તમામ શંકાસ્પદોની પૂછપરછ ચાલી રહી છે.