અમેરિકા અને ભારત વચ્ચેના તાજેતરના વેપાર શુલ્ક વાટાઘાટોમાં ટ્રમ્પની ટીમ દ્વારા ત્રણ મુખ્ય શરતો મૂકવામાં આવી છે. જેમાં, અમેરિકાની કંપનીઓને ભારતીય બજારોમાં વધુ સરળતાથી પ્રવેશ આપવા, ભારત-અમેરિકા વચ્ચેના વેપારની અસમતુલાને સંતુલિત કરીને વોશિંગ્ટનની તરફેણમાં લાવવા, અને ભારત દ્વારા રશિયન તેલની આયાત બંધ કરીને આગામી પાંચ વર્ષ માટે ખરીદીનો રોડમેપ રજૂ કરવા પર ભાર મૂકવામાં આવ્યો છે. આ શરતો પર ભારત પાસેથી એક સ્પષ્ટ યોજના માંગવામાં આવી છે જેથી આગામી બેઠકનું આયોજન કરી શકાય. આ મામલે સત્તાવાર વિગતોની રાહ જોવાઈ રહી છે, પરંતુ ટ્રમ્પના આ પગલાથી બંને દેશોના વેપાર સંબંધોમાં તણાવ હાલ વધ્યો છે. (ન્યૂઝફર્સ્ટ)