અમદાવાદમાં ડમ્પરનો કહેર: ૨૨ વર્ષની યુવતીનું ઘટનાસ્થળે જ કમકમાટીભર્યું મોત: અમદાવાદના ખોખરા વિસ્તારમાં બેફામ ગતિએ આવતા ડમ્પરે એક્ટિવા પર જઈ રહેલી ૨૨ વર્ષની યુવતીને અડફેટે લીધી હતી. આ ગમખ્વાર અકસ્માતમાં યુવતી ડમ્પરના ટાયર નીચે કચડાઈ જતાં તેનું ઘટનાસ્થળે જ કરુણ મોત નીપજ્યું હતું. શહેરમાં ભારે વાહનોના ત્રાસ સામે લોકોમાં રોષ જોવા મળી રહ્યો છે, જ્યારે પોલીસે ડમ્પર ચાલક સામે ગુનો નોંધી વધુ તપાસ હાથ ધરી છે.