'ઈરાનમાં ચારે કોર સર્વત્ર બોમ્બમારો થશે': ટ્રમ્પની ઈરાની સેનાને શરણાગતિ સ્વીકારવા ચેતવણી: અમેરિકી દળો ઈરાનના મિસાઈલ ઉદ્યોગ, નૌકાદળ અને સૈન્ય માળખાને સંપૂર્ણપણે નષ્ટ કરી દેશે: આ યુદ્ધમાં અમેરિકાને પણ નુકસાન વેઠવું પડી શકે છે અને જવાનો શહીદ થઈ શકે છે: રાષ્ટ્રપતિ ટ્રમ્પે ઈરાન સામે સીધી જંગની જાહેરાત કરતા કહ્યું છે કે , તેમણે ઈરાની સેનાને અપીલ કરી છે કે તેઓ પોતાના શસ્ત્રો નીચે મૂકી દે અને શરણાગતિ સ્વીકારી લે, જેથી જાનહાનિ ઓછી થાય. ટ્રમ્પે સ્વીકાર્યું છે કે આ યુદ્ધમાં અમેરિકાને પણ નુકસાન વેઠવું પડી શકે છે અને જવાનો શહીદ થઈ શકે છે, પરંતુ તેઓ ઈરાનને નષ્ટ કરવા માટે મક્કમ છે. તેમણે સ્પષ્ટ કર્યું કે અમેરિકાનો ઉદ્દેશ્ય ઈરાનની સૈન્ય શક્તિને કાયમી ધોરણે ખતમ કરવાનો છે જેથી તે પડોશી દેશો માટે ખતરો ન રહે.: ઈરાનનો પલટવાર: ઈઝરાયેલન જુદા જુદા શહેરો ઉપર ૪૦ થી વધુ ક્રુઝ મિસાઈલ છોડ્યા: અનેક શહેરોમાં સાયરન વાગી રહ્યા છે: ઇઝરાયેલની 'આયર્ન ડોમ' અને 'એરો' ડિફેન્સ સિસ્ટમ સક્રિય છે, પરંતુ મિસાઈલોની મોટી સંખ્યા ચિંતાનો વિષય અમેરિકી હુમલાના જવાબમાં ઈરાને મોટો વળતો પ્રહાર કર્યો છે. ઈરાની રિવોલ્યુશનરી ગાર્ડ્સે ઈઝરાયેલના વિવિધ શહેરો પર ૪૦ થી વધુ ક્રુઝ મિસાઈલો છોડી છે. આ હુમલા બાદ ઈઝરાયેલના અનેક શહેરોમાં સાયરન વાગી રહ્યા છે. બીજી તરફ, જોર્ડનની રાજધાની અમ્માનમાં પણ જોરદાર સાયરન સાંભળવા મળી રહ્યા છે, જે સૂચવે છે કે યુદ્ધ હવે અન્ય દેશોમાં પણ ફેલાઈ રહ્યું છે. ઈઝરાયેલના સુરક્ષા નિષ્ણાતોનું કહેવું છે કે તેમની 'આયર્ન ડોમ' અને 'એરો' ડિફેન્સ સિસ્ટમ સક્રિય છે, પરંતુ મિસાઈલોની મોટી સંખ્યા ચિંતાનો વિષય છે. યુદ્ધની આ આગ હવે પ્રાદેશિક સ્તરે ભભૂકી ઉઠી છે.