<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 27th April 2024

સરદારધામ ‘પટેલ ઓફિસરો'ની ફોજ તૈયાર કરશે

રાજકોટ - વડોદરા - સુરત મહેસાણામાં પાટીદાર યુવકો માટે UPSC - નોકરી માટેના દ્વાર ખોલશે સિવિલ સર્વિસ માટે તાલિમ કેન્‍દ્રો ઉભા કરાશે

 

અમદાવાદ, તા.૨૭: પાટીદાર યુવાનોને સરકારી નોકરીઓ માટે સિવિલ સર્વિસીસ અને અન્‍ય પરીક્ષાઓ આપવા પ્રોત્‍સાહિત કરવાના -યાસરૂપે, અમદાવાદમાં સરદારધામનું મેનેજમેન્‍ટ આ વર્ષે ગુજરાતના અન્‍ય શહેરોમાં મોડલ તેમજ ઈન્‍ફ્રાસ્‍ટ્રક્‍ચર વિસ્‍તારવા માટે તૈયાર છે. વડોદરામાં રૂ. ૧૫૦ કરોડનું સરદારધામ તેના વિશાળ કેમ્‍પસમાં સિવિલ સર્વિસના ૫૦૦ ઉમેદવારો અને ૧,૦૦૦ કોલેજના વિદ્યાર્થીઓને સમાવવા માટે ટૂંક સમયમાં શરૂ થશે. સુરત (૩૧ વીઘા જમીન), રાજકોટ (૧૭ વીઘા) અને મહેસાણામાં પણ સુવિધાઓ તૈયાર કરવામાં આવી રહી છે.

સરદારધામના અધિકારીઓએ જણાવ્‍યું હતું કે એકવાર તમામ સુવિધાઓ ઉપલબ્‍ધ થઈ જાય પછી, લગભગ ૩,૦૦૦ થી ૪,૦૦૦ ઉમેદવારો સિવિલ સર્વિસ તાલીમ કેન્‍દ્રોમાં નોંધણી કરી શકશે.

અમદાવાદમાં સરદારધામના સિવિલ સર્વિસ સેન્‍ટરના ચેરમેન ટીજી ઝાલાવડિયાએ જણાવ્‍યું હતું કે, પાટીદારની સાથે અન્‍ય યુવાનોને સિવિલ સર્વિસ અને સરકારી નોકરીઓ કરવા માટે પ્રોત્‍સાહિત કરવાનો વિચાર તેમના ભવિષ્‍યને ધ્‍યાનમાં રાખીને છે.

ભવિષ્‍યમાં ખેતીની જમીનો સંકોચાઈ જશે અને અમે પહેલાથી જ તેના સાક્ષી છીએ, ખાસ કરીને પાટીદારોમાં. પાટીદાર યુવાનોને સરકારી નોકરીઓ લેવા માટે પ્રોત્‍સાહિત કરવા માટે, સરદારધામ સમુદાયના સભ્‍યોના દાનની મદદથી અન્‍ય શહેરોમાં સિવિલ સર્વિસિસ કેન્‍દ્રોનો વિસ્‍તાર કરી રહ્યું છે, તેમણે કહ્યું.

ઝાલાવડિયાએ જણાવ્‍યું હતું કે તાજેતરમાં જાહેર કરાયેલ શ્‍ભ્‍લ્‍ઘ્‍ સિવિલ સર્વિસીઝ પરીક્ષામાં અમદાવાદ કેન્‍દ્રને પ્રોત્‍સાહક પરિણામ મળ્‍યું છે.

સરદારધામના ૪૫ ઉમેદવારોમાંથી જેમણે UPSC મેન્‍સ પાસ કર્યા હતા, ૧૩ ઇન્‍ટરવ્‍યુ માટે હાજર થયા હતા અને તેમાંથી ૮ સિવિલ સર્વન્‍ટ બનવા માટે લાયક બન્‍યા હતા. યુપીએસસી પાસ કરનારાઓમાં બે મહિલા ઉમેદવારો પણ હતી. અમે છોકરીઓને ખાસ કરીને સિવિલ સર્વિસ લેવા માટે પણ પ્રોત્‍સાહિત કરીએ છીએ. અમદાવાદમાં સરદારધામના બીજા તબક્કામાં, અમે ૩,૦૦૦ છોકરીઓને સમાવી શકીશું જેઓ એક પણ પૈસો ચૂકવ્‍યા વિના રહેશે, તેમણે કહ્યું.

મુખ્‍યમંત્રી દ્વારા ઉમેદવારોનું અભિવાદનઃ સરદારધામના પ્રમુખ ગગજી સુતરિયાએ જણાવ્‍યું હતું કે, રવિવારે એક સન્‍માન સમારોહમાં સીએમ ભૂપેન્‍દ્રભાઇ પટેલ આ આઠ પ્રોત્‍સાહિત કરશે અને તેમાંથી દરેકને ૧ લાખ રૂપિયા આપશે. ૮ ઉમેદવારોમાંથી બે સરદારધામ દિલ્‍હીના અને ૬ સરદારધામ અમદાવાદના છે. તે અમારા માટે ગર્વની વાત છે.(

(1:51 PM IST)