તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Thursday, 9th May 2024
ભરૂચમાં યુવાનને ડમ્પર ચાલકે કચડી નાખતા સ્થળ પર કમકમાટી ભર્યું મોત
અકસ્માત સર્જી ડમ્પર ચાલક પોતાનું ડમ્પર સ્થળ ઉપર મૂકીને ફરાર થતા લોક ટોળા તેને ઝડપી પાડી સી ડીવીઝન પોલીસના હવાલે કર્યો

ભરૂચના ભોલાવ વિસ્તારના ધર્મનગર ટાઉનશીપ પાસે એક ડમ્પર ચાલકે સેલ્સમેન તરીકે ફરજ બજાવતા આશાસ્પદ યુવાનને ડમ્પર ચાલકે કચડી નાખતા સ્થળ પર જ કમકમાટી ભર્યું મોત નીપજ્યું હતું.જ્યારે ડમ્પર ચાલક અકસ્માત સર્જી ભાગવા જતા સ્થાનિક વાહન ચાલકોએ તેને ઝડપી પાડી સી ડીવીઝન પોલીસને હવાલે કરતા પોલીસે કાયદેસરની કાર્યવાહી હાથધરી હતી.
વડોદરા જીલ્લાના કરજણ તાલુકાના વલણ ગામમાં ગરીબ પરિવારમાં રહેતો ફિરોઝ યુનુસભાઈ બેરા ભરૂચના ઝાડેશ્વર વિસ્તારમાં આવેલી વસંત મસાલામાં સેલ્સમેન તરીકેની ફરજ બજાવતો હતો. રાબેતા મુજબ તે પોતાની નોકરી પર આવ્યા બાદ કોઈ કામ અર્થે ફિલ્ડમાં નીકળ્યો હતો. તે વેળા બાઈક પર ધર્મનગર ટાઉનશીપ નજીક પાસેથી પસાર થઈ રહ્યો હતો તે દરમ્યાન પાછળથી પુરપાટ ઝડપે માટેલા સાંઢની જેમ ધસી આવેલા ડમ્પર ચાલકે તેને ટક્કર મારતા અકસ્માત સર્જાયો હતો. જેમાં બાઈક સવાર ફિરોઝ યુનસ બેરાને ગંભીર ઈજાઓ પહોંચતા ઘટના સ્થળે કમકમાટી ભર્યું મોત નીપજ્યું હતું. ઘટનાની જાણ થતા જ સ્થાનિક લોકોના ટોળા સ્થળ પર ઉમટી પડ્યા હતા.અકસ્માત સર્જી ડમ્પર ચાલક પોતાનું ડમ્પર સ્થળ ઉપર મૂકીને ફરાર થતા લોક ટોળા તેને ઝડપી પાડી સી ડીવીઝન પોલીસના હવાલે કર્યો હતો.
આ સમગ્ર ઘટનામાં સી ડિવિઝન પોલીસે મૃતદેહનો કબ્જો લઈ પીએમ અર્થે ભરૂચ સિવિલ હોસ્પિટલમાં ખસેડવામાં આવ્યો હતો અને આરોપી ડમ્પર ચાલકની અટકાયત કરી અકસ્માત અંગેનો ગુનો નોંધી વધુ તપાસ હાથધરી છે.
(8:32 PM IST)









છેલ્લા 8 દિવસમાં સૌથી લોકપ્રિય 
