News of Monday, 20th May 2024
બુધવારે બંગાળની ખાડીમાં દબાણ સર્જાવાની સંભાવના:28 મેં આસપાસ ગુજરાત અને મુંબઈમાં ભારે વરસાદની શકયતા
23થી 27 મે સુધીમાં બંગાળની ખાડીમાં સર્જાયેલ આ ચક્રવાતની અસર ગુજરાત અને મહારાષ્ટ્રમાં પણ જોવા મળી શકે

અમદાવાદ : હાલમાં હવામાન વિભાગના જણાવ્યા પ્રમાણે, આગામી 22 મેના રોજ દક્ષિણ-પશ્ચિમ બંગાળની ખાડીમાં દબાણ સર્જાવાની સંભાવના છે. તે 24 મે, 2024ની આસપાસ બંગાળની ખાડીના મધ્ય ભાગોમાં શરૂઆતમાં ઉત્તરપૂર્વ તરફ આગળ વધવાની અને મધ્યમાં કેન્દ્રિત થવાની સંભાવના છે.
હવામાન એક્સપર્ટ્સના જણાવ્યા પ્રમાણે, આગામી 23થી 27 મે સુધીમાં બંગાળની ખાડીમાં સર્જાયેલ આ ચક્રવાતની અસર ગુજરાત અને મહારાષ્ટ્રમાં પણ જોવા મળી શકે છે. આ સાથે જ મુંબઈ નોકાસ્ટના જણાવ્યા પ્રમાણે, આગામી 28 મેની આસપાસ ગુજરાત અને મુંબઈમાં ભારે વરસાદની સંભાવના છે.
હાલમાં દક્ષિણ અરેબિયન સમુદ્ર, મન્નરનો અખાત, કોમોરિન વિસ્તાર, માલદિવ્સ અને લક્ષદ્વીપ ટાપુઓના વિસ્તાર પર ખૂબ જ તીવ્ર સંવહન સાથે તૂટેલા નીચા અને મધ્યમ વાદળો છવાયેલા છે.
(1:17 PM IST)









છેલ્લા 8 દિવસમાં સૌથી લોકપ્રિય 
