દાહોદઃ અહીં આવેલ  સહયોગ કો ઓપરેટીવ બેંકની એક મહિલા એજન્ટ દ્વારા ઠગાઈ આચરવાનો કિસ્સો સામે આવ્યો છે. મહિલા એજન્ટ દ્વારા બેંકના ખાતાધારક ગ્રાહકોના દૈનિક બચતના નાણાં ઉઘરાવીને ઉચાપત કરી હતી.

પ્રાપ્‍ત માહિતી મુજબ  મહિલા એજન્ટ દ્વારા 106 ખાતાધારકોના 88 લાખથી વધુ નાણાની ઉચાપત કરવામાં આવી હતી.

જેને લઈને દાહોદ એ ડિવિઝન પોલીસે મથકે ફરિયાદ દાખલ કરવામાં આવી હતી. ફરિયાદના આધારે દાહોદ પોલીસ બેંક એજન્ટ જયમાલા અગ્રવાલની ધરપકડ કરીને કાયદેસરની કાર્યવાહી હાથ ધરી હતી.