ભરત શાહ દ્વારા) રાજપીપળા: રાજપીપળા શહેરમાં રવિવારે સાંજે અચાનક વાતાવરણમાં પલટો આવ્યા બાદ પવન સાથે વરસાદ પડતાં આખા દિવસની ગરમી થી કંટાળેલા લોકોને ઠંડક થઇ પરંતુ મામૂલી વરસાદની શરૂઆતમાં જ તરત જ લાઈટો જતા અંધારપટ છવાઈ ગયો હતો જોકે વીજ કંપની એ શનિવારે જ પાચ કલાક જેવો વીજ પુરવઠો બંધ રાખી

પ્રી.મોન્સુન કામગીરી કરી હતી તેમ છતાં બીજા જ દિવસે મામૂલી પવન અને વરસાદમાં તુરત લાઈટો જતા વીજ કંપનીની પ્રી.મોન્સુન કામગીરી પર સવાલ ઉઠ્યા હતા.
આકરી ગરમી વચ્ચે ગાજવીજ સાથે પડેલા આ વરસાદમાં મહિલાઓ સહિત બાળકો સ્નાન કરી ઠંડક મેળવતા જોવા મળ્યાં હતાં, આ વરસાદમાં ભલે લોકોને ઠંડક મળી હશે પરંતુ ધરતીપુત્રોના ઊભા પાકને જરૂર નુકશાન થશે.