તા. ૧૨ ફેબ્રુઆરી ર૦ર૬ વિક્રમ સંવત ર૦૮૨ મહા વદ – ૧૦ ગુરૂવાર
News of Thursday, 11th July 2024
પશ્ચિમ કચ્છમાં ૭ મહિનામાં ૨૬ સગીરાના અપહરણ...કઇ રીતે ફસાય છે છોકરીઓ ?
સરહદી જિલ્લામાં ‘લવ જેહાદ'નું દૂષણ : પશ્ચિમ કચ્છમાં ૨૦૨૩ દરમિયાન ૧૮ વર્ષથી ઉપરની ઉમરની ૨૦૩ છોકરીઓના અપહરણ થયા હતા : જે પૈકી ૧૭૭ પરત મળી આવી હતી જ્યારે ૨૪ હજુ ગુમ છે

નવી દિલ્હી, તા.૧૧: ગુજરાત રાજ્ય ભરમાં લવ જેહાદના કિસ્સાઓ વધી રહ્યા છે. તેની સાથે કચ્છમાં પણ વિધર્મીઓ દ્વારા સગીર કન્યાનોનું અપહરણ કરવાના બનાવો ખુબ પ્રમાણમાં વધ્યા છે. છેલ્લા સાત માસમાં જ પશ્ચિમ કચ્છમાંથી ૨૧ સગીરાઓના અપહરણ કરાયાના કિસ્સોઓ પોલીસ ચોપડે ચડયા છે. જો કે, જે પૈકી ૧૪ સગીરાઓની પરત લઇ આવવામાં પોલીસને સફળતા મળી છે. તો, માત્ર જુલાઇ માસમાં ચાર સગીરા સહિત પાંચ મહિલાઓના અપહરણ થયા હતા. જે પૈકી પાંચ સગીરાઓને આરોપીઓના ચુંગલમાંથી પોલીસે છોડાવીને ભોગ બનનારને તેના વાલીઓને સોંપી સરાહનીય કામગીરી કરી છે.
સગીર કન્યાના લલચાવી ફોસલાવી અપહરણ કર્યા બાદ દુષ્ક્મ કરવાના કિસ્સાઓ વધી જતાં અને તેમાય વિધમ યુવકો દ્વારા સગીરાને ફાસાવાઇ હોવાનું સામે આવતાં આ દુષ્ણને અટકાવવા પશ્ચિમ કચ્છ પોલીસે અલગ અલગ ટીમો બનાવીને સઘન તપાસ તેજ કરી હતી. જેમાં ભુજ, માંડવી, માધાપર, નખત્રાણા પોલીસ મથકે દાખલ થયેલ અપહરણના કેસમાં આરોપીઓને ઝડપી પાડયા છે. જેમાં ગત ૧૯ મેના માંડવી પોલીસ મથકના દાખલ થયેલ પોક્સોના કેસમાં માંડવીના બાગ ગામે રહેતા રજાક સિધિક સુમરાને પકડી પાડી તેના કબજામાંથી સગીર કન્યાને છોડાવી હતી.
ભુજ શહેર પોલીસ મથકના ૩૧ મેના રોજ દાખલ થયેલા અપહરણ દુષ્કર્મ કેસમાં ભુજના બીએસએફ કેમ્પ પાછળ માલધારી નગરમાં રહેતા અભુભખર રમજુ સુમરાને પકડી પાડી તેના કબજામાંથી સગીરાને છોડાવી હતી. માધાપર પોલીસ મથકે ૨૩ જુનના નોંધાવાયેલ અપહરણ દુષ્કર્મ કેસમાં આરોપી ઓસમાણ ગની સુલેમાન અભડા રહે ભખરીયાને સગીરા સાથે ઝુરા ગામના જંગલ વિસ્તારમાંથી પકડી લઇ સગીરાને મુક્ત કરાવી હતી. તો, ૨૩ જુનના સગીરાનું અપહરણ કરી જવાના કેસમાં પશ્ચિમ કચ્છ પોલીસે સુખપરના આરોપી સલીમ અબ્દુલ જુણેજાને છેક બિહાર રાજ્યના પંચકોકડી વિસ્તારમાંથી દબોચી લીધો હતો.
પશ્ચિમ કચ્છ પોલીસ સાદા વેશમાં રહીને કરીયાણા, સાકાભજી, મોબાઇલની દુકાનો પર વોચ ગોઠવી હતી. દરમિયાન આરોપી સલીમ પોલીસના હાથે ચડી ગયો હતો. આરોપીના કબ્જામાંથી સગીરાને મુક્ત કરાવી હતી. તે ઉપરાંત નખત્રાણા તાલુકાના કોટડા જડોદરની પરિણીત મહિલાને ભગાડી જનારા ઘડાણી ગામના આરોપી અનવર મામદ નોતિયારને પકડી પાડયો હતો. આમ પ?મિ કચ્છ પોલીસની વિવિધ ટીમોએ અપહરણ દુષ્કર્મના અલગ અલગ બનાવોમાં પાંચ સગીર કન્યાઓને બચાવી આરોપીઓ વિરૂધ કાર્યવાહી કરી હતી.
પશ્ચિમ કચ્છમાં ૨૦૨૩ દરમિયાન ૧૮ વર્ષથી ઉપરની ઉમરની ૨૦૩ છોકરીઓના અપહરણ થયા હતા. જે પૈકી ૧૭૭ પરત મળી આવી હતી. જ્યારે ૨૪ હજુ ગુમ છે. તો, ૪૩ સગીર કન્યાઓનું અપહરણ થયું હતું. જેમાં પોલીસ ૪૩ને શોધી કાઢવામાં સફળ બની હતી. ૨૦૨૪ના જાન્યુઆરીમાં ૧૮ વર્ષથી ઉપરની ૧૩ કન્યાઓનું અપહરણ થયું હતું. જેમાં નવ મળી આવી હતી. જ્યારે ૪ બાકી છે. ફેબ્રુઆરીમાં ૧૮ છોકરીઓનું અપહરણ થયું હતું. જેમાં એક જ પરત મળી છે. માર્ચમાં ૨૪માંથી ૧૮ પરત આવી છે. જ્યારે છ બાકી છે. એપ્રિલ માસમાં ૧૫માંથી ૧૧ પરત મળી છે. જ્યારે ચાર હજુ બાકી છે. મે માસમાં ૨૨ છોકરીઓના અપહરણ થયા હતા. જેમાંથી ૧૭ને શોધી કાઢવામાં આવી હતી. જ્યારે પાંચ હજુ લાપતા છે.
જ્યારે જુન માસમાં ૨૨માંથી ૧૩ જ છોકરીઓ મળી આવી છે. જ્યારે નવ હજુ બાકી છે. જ્યારે ૧૪થી ૧૮ વર્ષ અંદરની સગીરાઓમાં જાન્યુઆરી માસમાં ૪નું અપહરણ થયું હતું. એમાંથી એક પરત આવી છે. ફેબ્રુઆરી માસમાં એક સગીરાનું અપહરણ થયું હતું. તો ,માર્ચ માસમાં ત્રણ જેમાંથી એક પરત આવી હતી. એ-લિ માસમાં ૬ સગીરાનું અપહરણ થયું હતું. જેમાં ૪ મળી આવી હતી. મે માસમાં એકનું અપહરણ થયું હતું. જેને પરત લાવવામાં આવી હતી. જુનમાં સાત સગીરાઓનું અપહરણ થયું હતું. જે પૈકી ત્રણને મુક્ત કરાઇ જ્યારે ૪ સગીરાઓ બાકી છે. જુલાઇ માસની નવ તારીખ સુધી ચાર સગીર કન્યાઓના અપહરણ થયા હતા. જેમાંથી એક પરત મળી આવી હતી.
ભુજ નજીકના મીરજાપર ગામેથી ૧૬ વર્ષની સગીર કન્યાનું અપહરણ સુખપરનો આરોપી બિહારના પંચકોકડી ગામે લઇ જઇને એક રૂમમાં ગોંધી રાખી હતી. અને પોતે વેલ્ડીંગના કામમાં લાગી ગયો હતો.
ભોગ નાર સગીરા સુખપરના સલીમ સાથે ભુજ ક્લાસીસ માટે આવતી હતી. ત્યારે બન્ને વચ્ચે મોબાઇલ ફોન નંબરની આપલે થઇ હતી. જેમાં સગીરાને પ્રેમજાળમાં ફસાવી લીધા બાદ લગ્નની લાલચે અપહરણ કરી ગયો હતો.
સગીરાઓના અપહરણના કિસ્સામાં મોટા ભાગે સોશિયલ મીડિયાના માધ્યમથી પરિચય કેળવ્યા બાદ ફોટા નંબરની આપલે, તેમજ આરોપીઓ સગીરાને મોબાઇલ ફોનના રિચાર્જ કરી આપી નીકટતા કેળવીને સાથે ફોટા પડાવી લઇ સબંધ રાખવા મજબુર કરે છે. સગીરાઓનું અપહરણ કરી જાય છે.
રાજસ્થાનના જુરહરા પોલીસ સ્ટેશનમાં ૨૯ જુનના નોંધાયેલા અપહરણના કેસમાં પુખ્ત વયની મહિલાને ભાગીને ભુજ આવેલા આરોપી સોયેબ ખરશીદ મીરાશી રહે જુરહરા તાલુકો કામા રાજસ્થાનવાળાને પશ્ચિમ કચ્છ પોલીસે ઝડપી પાડયો હતો.
(3:57 PM IST)









છેલ્લા 8 દિવસમાં સૌથી લોકપ્રિય 
