<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 20th September 2024

રાજપીપળા ચંદ્રવિલા સોસાયટી તરફના રોડ ઉપર પાલિકા તંત્ર દ્વારા જ ગંદકી થતા સ્થાનિકો નારાજ

કચરો પાલિકાની ગામમાંથી કચરો ઉઘરાવી આવતી ગાડીઓમાંથી જ આ જગ્યા પર ફેંકવામાં આવે છે

(ભરત શાહ દ્વારા) રાજપીપળા:રાજપીપળા નગરપાલિકાના ખાડે ગયેલા વહીવટથી વેરો ભરતી પ્રજા થાકી ચૂકી છે, એક તરફ નગરપાલિકા સ્વચ્છતા ના સરકારી કાર્યક્રમો કરી વાહવાહી મેળવે છે પરંતુ ખાટલે મોટી ખોડની માફક પાલિકા દ્વારા જ કેટલાક વિસ્તારોમાં ગંદકી થાય છે જેથી લોકો હવે કંટાળી ચૂક્યા છે.
વાત કરીએ તો રાજપીપળા રોહિતવાસ આગળ આવેલી ચંદ્રવિલા સોસાયટી આગળના મુખ્ય માર્ગ ઉપર રોડની બંને તરફ કચરો પાલિકા દ્વારા જ નાખવામાં આવતો હોવાનું સ્થાનિકોનું કહેવું છે તો સફાઈ ની જેના માથે જવાબદારી છે એ તંત્ર જ જો ગંદકી કરે અને ત્યાં રોગચાળો ફેલાય તો જવાબદાર કોણ તેવા સવાલ ઉઠ્યા છે. સ્થાનિકો દ્વારા જાણવા મળ્યા મુજબ આ કચરો પાલિકાની ગામમાંથી કચરો ઉઘરાવી આવતી ગાડીઓમાંથી જ આ જગ્યા પર ફેંકવામાં આવે છે ત્યારે જો આ વાત સાચી હોય તો તંત્ર આ મુદ્દે કડક વલણ અપનાવી ગમે ત્યાં કચરો ઠાલવતા કર્મચારીઓ પર કાર્યવાહી કરી સ્થાનિકોને પડતી તકલીફ અને રોગચાળો ના ફેલાઈ એ દિશા માં ધ્યાન આપે.

(11:15 PM IST)