રાજકોટ તા.૨૭ : ગુજરાત વિધાનસભા ભવનનું નામ જેમના નામ ઉપરથી અપાયું છે એવા શ્રી વિઠ્ઠલભાઇ પટેલની ૧૫૧મી જન્મજયંતિ નિમિતે ગાંધીનગરના મેયર  મીરાબેન પટેલે ગુજરાત વિધાનસભા પટાંગણમાં આવેલી પ્રતિમા સમક્ષ અને ગુજરાત વિધાનસભાના પોડિયમ ખાતેના તૈલચિત્રને ભાવસભર પુષ્પાંજલિ અર્પણ કરી હતી.

વર્ષ ૧૯૨૫થી મધ્યસ્થ ધારાસભાના પ્રથમ ભારતીય પ્રમુખ અને સ્વરાજ પાર્ટીના સહ સંસ્થાપક  વિઠ્ઠલભાઈ પટેલનો જન્મ ૨૭મી સપ્ટેમ્બર ૧૮૭૩ના રોજ નડિયાદમાં થયો હતો. તેઓ તેમની મુત્સદ્દીગીરી માટે ભારતભરમાં વખાણાતા હતા. વર્ષ ૧૯૩૦માં આઝાદીની ચળવળ શરૂ થતાં મધ્યસ્થ ધારાસભામાંથી રાજીનામું આપી સક્રિય રીતે આઝાદીના લડતમાં જોડાયા હતા.

આ પ્રસંગે વિધાનસભાના ઇન્ચાર્જ સચિવ  ચેતન પંડ્યા, ડેપ્યુટી મેયર  નટુજી ઠાકોર, સ્થાયી સમિતિ ચેરમેન  ગૌરાંગભાઈ વ્યાસ, GMCના દંડક  શોભનાબેન પરમાર, શાસક પક્ષના નેતા અનિલ સિંહ વાઘેલા, કાઉન્સિલર શ્રી તેજલબેન,  મ્યુનિસિપલ કમિશનર જે. એન. વાઘેલા અને વિધાનસભાના  અધિકારીશ્રીઓ-કર્મચારીશ્રીઓ દ્વારા પુષ્પાંજલિ અર્પણ કરી હતી.