અમદાવાદના કુખ્યાત ખ્યાતિ હોસ્પિટલમાં કરાયેલા ઓપરેશન બાદ બે દર્દીના થયેલા મોત બાદ સફાળા જાગેલા તંત્રે હોસ્પિટલના સત્તાવાળાઓ સામે કાનુની ડંડો ઉગામ્યો છે. પોલીસે ખ્યાતિ હોસ્પિટલમાં દર્દીઓના હ્રદયના બિનજરૂરી ઓપરેશન કરનારા  ડોકટર પ્રંશાત વજીરાણીની ધરપકડ કરી છે. તેમના રિમાન્ડ આજે પુરા થતા ફરીથી રિમાન્ડ મેળવવા માટે કોર્ટમાં રજૂ કરાયા હતા. કોર્ટે ડોકટર પ્રંશાત વજીરાણીને આગામી 25 નવેમ્બર સાંજના 4 વાગ્યા સુધીના રિમાન્ડ મંજૂર કર્યાં છે.