અમદાવાદ :છેલ્લા કેટલાક દિવસમાં બંગાળની ખાડી તરફથી આવતા ભેજવાળા પવન-ડિસ્ટર્બન્સના કારણે રાજ્યના મોટાભાગના જિલ્લાઓમાં વાદળછાયું વાતાવરણ જોવા મળી રહ્યુ છે. ત્યારે હવામાન વિભાગના જણાવ્યા પ્રમાણે, આગામી 26થી 28 ડિસેમ્બરના રોજ કેટલાક ભાગોમાં કમોસમી વરસાદ થવાની સાથે 30થી 40 કિમીની ગતિએ પવન ફૂંકાઈ શકે છે.

ઉત્તર ભારતના પહાડી રાજ્યોમાં હાલ હિમવર્ષા થઈ રહી છે, જેના કારણે હાલ રાજ્યમાં ઠંડીમાં વધારો થયો છે. આજે પણ વહેલી સવાર અમદાવાદ શહેરમાં ધુમ્મસની ચાદર છવાયેલી છે. મંગળવારના રોજ અમદાવાદ શહેરમાં એક જ દિવસમાં તાપમાનમાં 5 ડિગ્રીનો ઘટાડો નોંધાયો હતો.

હવામાન વિભાગના જણાવ્યા અનુસાર, નલિયામાં સૌથી ઓછું 7.5 ડિગ્રી તાપમાન નોંધાયું છે. આ સાથે વડોદરામાં 14.2 ડિગ્રી, ડીસામાં 12.8 , અમરેલીમાં 11.8, રાજકોટમાં 9, ભુજમાં 10.6, અમદાવાદમાં 12.7, સુરતમાં 16.8, કંડલા પોર્ટમાં 13.0, ભાવનગરમાં 13.5, દ્વારકામાં 14.5, વેરાવળમાં 13.9 અને ઓખામાં 18.2 ડિગ્રી તાપમાન નોંધાયું છે.