સુરતઃ ડાયમંડ કટર અને પોલીસ કરનારાઓને વધુ રોજગારી આપવાના ઉદેશ સાથે, એકલા સુરતમાં જ હવે ૮૦૦૦ હીરાના કારખાનાઓમાંથી ૫૨૦૦  ઉપરાંત એકમો હવે કુદરતી રફ હીરાના બદલે લેબમાં તૈયાર થયેલ હીરાનું કટીંગ અને પોલીશસંગ  કરતા થઇ ગયા છે.

૨૦૨૧ સુધી સુરતમાં માત્ર ૩૫૦ એકમો જ લેબમાં તૈયાર થયેલ હીરાઓના પ્રોસેસીંગમાં જોડાયેલા હતા.મધ્‍ય પૂર્વ અને યુરેપીયન મહાદ્વીપમાં સક્રિય યુધ્‍ધ વચ્‍ચે ચાલી રહેલ વર્તમાન મંદી છેલ્લા ૫૦ વર્ષના ઇતિહાસમાં સૌથી લાંબી ચાલી છે. જો કે આ  ઉદ્યોગનો અંદાજ છે કે લેબમાં તૈયાર થયેલ હીરાઓ અને તેનાથી જડિત આભુષણોની માંગ થી બજારો સ્‍થિર થશે.