તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Saturday, 1st February 2025
પ્રેમિકાની મોજ પાછળ પૂર્વ MLAનો પુત્ર બન્યો ગુનેગાર
મોજશોખ પૂરા કરવા પૂર્વ ધારાસભ્યનો પુત્ર ગુનાખોરીના રવાડે ચઢી ગયો : મહિલાના ગળામાંથી ચેઈન સ્નેચિંગનો ગુનો કર્યો

અમદાવાદ, તા.૧: ગુજરાતમાં ભરમાં નાના મોટી ચોરીની ઘટનાઓમાં વધારો થતો નોંધાય રહયો છે. નાનો માણસ મજબૂરીમાં ચોરી કરે તે થોડાક અંશે સમજી શકાય કે મજબૂરીનું નામ તેને મહાત્મા પાડયું છે. પણ શું તમે પ્રતિષ્ઠીત ઘરના પુત્રો ચોરી કરતા હોય તેવું સાંભળ્યું છે. આ વાત છે અમદાવાદની થલતેજ વિસ્તારનામાં પ્રદ્યુમ્નસિહ વિજેન્દ્રસિહં ચંદ્રાવત નામના યુવાનની. થલતેજ વિસ્તારમાં ભાડાના ઘરમાં રહેતા આ યુવાને ૨૫મી જાન્યુઆરીના રોજ ૬૫ વર્ષિય વસંતીબેન ઐયર નામની મહિલાના ગળામાંથી ચેઈન કટરથી તોડી ફરાર થયો હતો.
આ મામલે મહિલાએ ઘાટલોડીયા વિસ્તારના પોલીસ સ્ટેશનમાં ફરીયાદ નોંધાવી હતી. પોલીસને ફરિયાદ મળતાની સાથે CCTVના આધારે પોલીસે તજવીજ હાથ ધરી દીધી હતી. પોલીસ તપાસમાં સામે આવ્યું હતું કે, ચેઇન સ્નેચિંગની ઘટના પ્રદ્યુમનસિંઘે કરી છે. પોલીસે પ્રદ્યુમ્નસિંહની ધરપકડ કરીને પુછપરછ કરી હતી. પ્રદ્યુમ્નસિંહ મધ્યપ્રદેશના નીમજ જિલ્લામાં આવેલા માલહેડા ગામનો રહેવાસી છે. પ્રદ્યુમ્નસિંહના પિતા વિજેન્દ્રસિહ ચંદ્રાવત મધ્ય પ્રદેશના પૂર્વ ધારાસભ્ય રહી ચુક્યા છે. પ્રદ્યુમ્નસિંહ ઘરથી કંટાળી ગયો હોવાથી તે અમદાવાદ આવી ગયો હતો અને ભાડાના મકાનમાં રહેતો હતો. તે એક યુવતી સાથે પ્રેમ થઇ ગયો હતો, જેના કારણે તેનો ખર્ચો વધી ગયો હતો. મોજશોખ પૂરા કરવા માટે પ્રદ્યુમ્નસિંહ ગુનાખોરીના રવાડે ચઢી ગયો હતો. પ્રેમિકા માટે ચેઇન-સ્નેચિંગનો ગુનો પહેલી વખત કર્યો હતો. આ ઉપરાંત આ યુવક મધ્ય પ્રદેશના કોંગ્રેસ નેતા અને પૂર્વ ધારાસભ્યનો પુત્ર હોવાનો ઘટસ્ફોટ થયો છે.(૨૩.૨)
(9:49 AM IST)









છેલ્લા 8 દિવસમાં સૌથી લોકપ્રિય 
