તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Saturday, 1st February 2025
દૂધસાગર ડેરીના ૧૪.૮૦ કરોડના કૌભાંડમાં પૂર્વ ગૃહમંત્રી વિપુલ ચૌધરી સહિત ૩ સામે ચાર્જફ્રેમ
આગામી દિવસોમાં સ્પે.એસીબી કોર્ટમાં કેસ ચાલશે

અમદાવાદ, તા.૧: મહેસાણાની દૂધસાગર ડેરીના ૧૪.૮૦ કરોડના કૌભાંડમાં પૂર્વ ગૃહમંત્રી સહિત ત્રણ આરોપીઓ સામે સ્પે. એસીબી કોર્ટમાં ચાર્જફ્રેમ કરવામાં આવ્યો છે. જેથી આ આરોપીઓ સામે આગામી દિવસોમાં કેસ ચાલવા પર આવશે. આ કેસમાં આરોપી મોઘજીભાઇ પટેલને હાઇકોર્ટનો સ્ટે હોવાથી તેમના પૂરતો ચાર્જફ્રેમ થઇ શક્યો નથી.
સ્પે. એસીબી કોર્ટમાં પૂર્વ ગૃહમંત્રી વિપુલ માનસિંગભાઇ ચૌધરી, આશાબહેન મહિપાલસિંગ ઠાકોર, એન.જે. બક્ષી સામે ખાસ સરકારી વકીલ વિજય બારોટની હાજરીમાં ચાર્જફ્રેમ કરવામાં આવ્યો છે. જેમાં તેમની સામે એવો આરોપ મૂકાયો છે કે, ડેરીના ચેરમેન આશાબેન મહીપાલસિંહ ઠાકોર, વાઇસ ચેરમેન મોઘજીભાઇ ધનજીભાઇ પટેલ તથા એમડી એન.જે. બક્ષીએ કાવતરું કરી વિપુલ ચૌધરીને રૂ.૯ કરોડની ચૂકવણીમાં મદદરૂપ થવાના આશયથી સંઘના કર્મચારીઓને અગાઉ -તિ વર્ષ એક પગાર બોનસ આપતા હતા, તેના બદલે વધુ બે બોનસ આપવાનું નક્કી કર્યું હતું. દૂધસંઘ નફો ના કરતો હોવા છતાં નિર્ધારીત બોનસ આપવાની જાહેરાત કરાઇ હતી. જેને લઇ ૮ ઓગસ્ટ, ૨૦૧૯ના રોજ મંડળીના કર્મચારીઓની શાખ અને પુરવઠા સહકારી મંડળી લી.ની વાર્ષિક સાધારણ સભા ડેરીના ઓડિટોરિયમમાં મળી હતી, જેમાં સંઘના મોટાભાગના કર્મચારી તથા સભાસદો સાથે ચેરમેન આશાબેન ઠાકોર, એમડી એન.જે. બક્ષી અને સહયોગના ચેરમેન ભરતભાઇ ચૌધરી હાજર હતા. આ સભામાં દૂધ સંઘના નિયામક મંડળે વાર્ષિક સાધારણ સભા દ્વારા મંજૂર કરેલા બજેટને ધ્યાનમાં લીધા વગર મનસ્વી રીતે બોનસ જાહેર કર્યું હતું. તેમજ એમડી એન.જે. બક્ષીએ સભામાં કહ્યું હતું કે, વિપુલભાઇને સાગરદાણ બાબતે રૂ.૯ કરોડ સંઘમાં જમા કરાવવાના હોઇ આ વર્ષે તમામ કર્મચારીઓને ૧૮% લેખે બોનસ આપવાનું છે. આ બોનસમાંથી ૮૦% રકમ તમારે સંઘને પાછી જમા કરાવી દેવાની રહેશે. જાહેરાત કર્યા બાદ સંઘના ૧૯૩૨ કર્મચારીઓ પાસેથી બોનસની રકમ પરત લેવા ૩૦ જેટલા અધિકારી, કર્મચારીઓને પ્રમોશન અને હોદ્દા આપવાની લાલચ આપી એમડી બક્ષીએ અધિકારી, કર્મચારીઓના નામજોગ સિક્કા પણ ડેરીના ખર્ચે બનાવ્યા હતા. તા.૧૪ ઓગસ્ટથી નક્કી થયેલા ૮.૩૩% બોનસની જગ્યાએ ૧૮% બોનસના કુલ રૂ.૧૪,૮૦,૭૦,૦૨૨ જમા કરાવ્યા બાદ કૌભાંડ આચર્યું છે. આજે ચાર્જફ્રેમ થતા આગામી દિવસોમાં કેસ ચાલવા પર આવશે.
વર્ષ ૧૯૯૫માં ભાજપની કેશુભાઈની સરકાર સામે બળવા બાદ શંકરસિંહ વાઘેલાના નેતૃત્વમાં રચાયેલી રાજપા સરકારમાં વિપુલ ચૌધરી ગૃહપ્રધાન અને વાહન વ્યવહાર પ્રધાન બન્યા હતા. જોકે બાદમાં શંકરસિંહ વાઘેલા સાથે મતભેદો ઊભા થતાં તેમનો સાથ છોડી દીધો હતો અને ફરીથી ભાજપમાં જોડાયા હતા. આ દરમિયાન તેઓ ગુજરાત મિલ્ક માર્કેટિંગ ફેડરેશનના અને દૂધ સાગર ડેરીના ચેરમેન બન્યા હતા. જોકે સમય જતા બન્ને પદ પણ ગુમાવવા પડયા હતા.
સંઘના પદાધિકારીઓ તેમજ અધિકારીઓ સાથે મેળાપીપણું કરી ગેરકાયદે કર્મચારીઓને વધારાનું બમણું બોનસ આપી એમડી બક્ષીએ કર્મચારીઓને દબાણ કરાવી તેમના એકાઉન્ટના સહીવાળા કોરા ચેક અંગત અધિકારીઓ અને કર્મચારીઓના બેંક ખાતામાં જમા કરાવ્યા હતા. જોકે ભાંડો ફૂટતાં આખરે બોનસના રૂપિયા પાછા અધિકારીઓ, કર્મચારીઓના એકાઉન્ટમાં જમા કરાવી તેટલી જ રકમની રોકડ પરત લઇ કેટલાક કર્મચારીઓ, અધિકારીઓના નામે જૈનમ ઇન્ડ્રસ્ટ્રીયલ પેટ્રો કંપનીના શેરોમાં રોકાણ કરાવ્યું હતું. વિપુલ ચૌધરીએ દૂધસાગર ડેરીના એકાઉન્ટમાં રૂ. ૯,૦૦,૧૦,૬૫૧.૨૦ જમા કરાવ્યા હતા.(૨૩.૩)
(9:49 AM IST)









છેલ્લા 8 દિવસમાં સૌથી લોકપ્રિય 
