News of Saturday, 1st February 2025
ડો. જયતી બ્રહ્મભટ્ટે પીએચડીની ડિગ્રી મેળવી
ગાંધીનગરની જાણીતી ‘કલાઘાટ' સંસ્થાના સંસ્થાપક અગાઉ અંગ્રેજી સાહિત્ય અને પ્રદર્શનકલામાં બે માસ્ટર ડિગ્રી મેળવી છે, હાલ પુણેની સિંબાયોસિસ ઇન્ટરનેશનલ યુનિવર્સિટીમાં કાર્યરત

રાજકોટઃ ગાંધીનગરની જાણીતી કલાદ્યાટ સંસ્થાની સંસ્થાપિકા, ડો. જયતી બ્રહ્મભટ્ટે પીએચ.ડી.ની ડિગ્રી હાંસલ કરી . ગાંધીનગરની જાણીતી ‘‘કલાદ્યાટ'' સંસ્થાની સંસ્થાપિકા, ડો. જયતી બ્રહ્મભટ્ટે વનસ્થલી, વિદ્યાપીઠ, રાજસ્થાનથી પીએચ.ડી. (ડોક્ટરેટ)ની ઉપાધિ પ્રાપ્ત કરી છે, જે તેમના શ્રેષ્ઠ શૈક્ષણિક અને કલાસંસ્કૃતિના યાત્રાપથમાં મહત્વપૂર્ણ માઇલસ્ટોન છે.
શિક્ષણ અને કળા પ્રત્યેની તેમની અગાધ પ્રતિબદ્ધતા દર્શાવતા, તેમણે અગાઉ*અંગ્રેજી સાહિત્ય અને પ્રદર્શનકલા (Performing Arts)*માં બે માસ્ટર ડિગ્રી પ્રાપ્ત કરી છે, જે તેમની અસાધારણ બુદ્ધિ અને સર્જનાત્મકતા દર્શાવે છે. આ ઉપરાંત અંગ્રેજી સાહિત્યમાં સ્નાતક ડિગ્રી મેળવ્યા બાદ, બી એડ અને કથક વિશારદ પણ મેળવ્યા.
હાલમાં, ડો. બ્રહ્મભટ્ટ પુણે સ્થિત સિંબાયોસિસ ઇન્ટરનેશનલ યુનિવર્સિટી (Symbiosis International University)માં કાર્યરત છે. તેમના અધ્યયન અને સંશોધન કાર્યોએ તેમને એક પ્રતિષ્ઠિત વિદ્વાન અને કલાસંકેતશીલ શિક્ષિકા તરીકે સ્થાપિત કર્યા છે.
તેમની ‘‘કલાદ્યાટ'' સંસ્થા દ્વારા તૈયાર કરાયેલા અનેક વિદ્યાર્થીઓ પણ આજે કલા ક્ષેત્રે ખૂબ આગળ વધી રહ્યા છે અને તેઓએ સારી પ્રતિષ્ઠા હાંસલ કરી છે. આ સંસ્થા દ્વારા શિષ્યોને ઉત્કૃષ્ટ તાલીમ આપવામાં આવે છે, જેનાથી તેઓ વિવિધ સ્તરે કળાના ક્ષેત્રમાં પ્રભાવશાળી યોગદાન આપી રહ્યા છે. તેમ યાદીમાં જણાવાયું છે.
અત્યાર સુધીમાં, તેમણે ગાંધીનગરની જાણીતી સંસ્થા IITE (Indian Institute of Teacher Education)માં પણ કાર્ય કર્યું છે, જયાં તેમણે શિક્ષણ અને કળાના સમન્વય સાથે વિવિધ વિષયોમાં મૂલ્યવાન યોગદાન આપ્યું છે.
તેમની અભિનયકલા અને શિક્ષણ ક્ષેત્રમાં અપવાદરૂપ સિદ્ધિઓને કારણે, તેમણે અનેક સન્માનો અને પુરસ્કારો પ્રાપ્ત કર્યા છે. શિક્ષણ અને સંસ્કૃતિ ક્ષેત્રે તેમનું યોગદાન ભવિષ્યમાં પણ ચાલુ રહે, તેઓ ઉપર શુભચ્છાઓ વરસી રહી છે.
(1:31 PM IST)









છેલ્લા 8 દિવસમાં સૌથી લોકપ્રિય 
