અમદાવાદ :શહેરની નગરદેવી માતા ભદ્રકાળીની 614 વર્ષ પછી 26મી ફેબ્રુઆરીએ યોજાનારી નગરયાત્રામાં વિવિધ જગ્યાઓ પર માતાજીના પાદુકાની આરતી ઉતારાશે. 6.25 કિલોમીટરની નગરયાત્રામાં લાખો ભક્તો જોડાશે. મહત્ત્વનું છે કે, આ નગરયાત્રા દરમિયાન બાબા માણેકના વંશજો દ્વારા માણેકચોકમાં અને મ્યુનિસિપલ ઓફિસે મેયર આરતી કરશે. આ પછી સાબરમતી નદીની પણ આરતી ઉતારાશે.

નગરયાત્રાના રૂટના કાર્યક્રમો

• 7.30 વાગે નગરદેવી મા ભદ્રકાળી મંદિરે પાદુકા આરતી
• 7.45 વાગે લક્ષ્મી માના પંજાની આરતી
• 8.00 વાગે યાત્રા માટે રથ પર માના પાદુકાની પધરામણી
• 8.30 વાગે મહારાજ દ્વારા ત્રણ દરવાજા ખાતે દિવાની આરતી
• 9.00 વાગે બાબા માણેકના વંશજો દ્વારા બાબા માણેકનાથ મંદિર માણેક ચોક ખાતે પાદુકાની આરતી
• 9.45 વાગે એએમસી ઓફિસ ખાતે મેયર અને અધિકારીઓ દ્વારા પાદુકાની આરતી
• 10.30 વાગે જમાલપુર જગન્નાથ મંદિરે મંદિરના મહંત દ્વારા પાદુકાની આરતી
• 11.15 વાગે રિવરફ્રન્ટ ઘાટ પર સાબરમતી નદીની આરતી
• 12.00 વાગે પૌરાણીક મહાલક્ષ્મી મંદિર ખાતે પાદુકાની આરતી
• 12.30 વાગે વસંત ચોક ખાતેના પ્રાચીન ગણેશ મંદિરના પૂજારી દ્વારા પાદુકાની આરતી
• 1.00 વાગે બહુચર માતા મંદિર ખાતે પાદુકાની આરતી
• 1.30 વાગે ભદ્રકાળી મંદિર ખાતે હવન અને ભંડારો