સુરતમાંથી કૂટણખાનું ઝડપાયું છે. રાંદેર પોલીસની ટીમે કૂટણખાના પર રેડ કરીને સંચાલક અને 4 ગ્રાહકોને ઝડપી પાડ્યા છે. 6 વિદેશી મહિલાઓને રાખીને તેઓની પાસે દેહવ્યાપાર કરાવાતો હોવાનું સામે આવ્યું હતું. આ બનાવમાં બે આરોપીને વોન્ટેડ જાહેર કરાયા છે.

મળતી માહિતી મુજબ સુરત શહેરમાં રાંદેર પોલીસની ટીમે પાલનપુર જકાતનાકા વી-સ્ક્વેર બિલ્ડીંગમાં બીજા માળે આવેલા વેલ્નેસ સેન્ટરમાં દેહ વ્યાપારનો ધંધો ચાલતો હતો જ્યાં રાંદેર પોલીસની ટીમે રેડ કરી હતી. પોલીસે અહીંથી વેલ્નેસ સેન્ટરના સંચાલક રોશન રાજકુમાર સિંગને ઝડપી પાડ્યો હતો આ ઉપરાંત અહી 6 વિદેશી મહિલાઓને રાખીને તેમની પાસે દેહવ્યાપાર કરાવાતો હોવાનું સામે આવ્યું હતું

પોલીસે 4 ગ્રાહકોને પણ ઝડપી પાડ્યા હતા જેમાં એક સગીર વયનો છે. પોલીસે આ બનાવમાં હની અને અભય અર્જુન સાળુંકે નામના બે ઇસમોને વોન્ટેડ જાહેર કર્યા છે તેમજ પોલીસે રેડ દરમ્યાન રોકડા રૂપિયા 12 હજાર, 5 મોબાઈલ ફોન, વગેરે મળી કુલ 1.46 લાખનો મુદામાલ કબજે કર્યો હતો.