આબુ રોડ પરથી કરોડોનો મુદ્દામાલ પકડાયો છે .. ખાનગી બસમાંથી 1 કિલો અને 700 ગ્રામ સોનું પકડાયું છે જયારે  28 કિલો ચાંદી, 81 લાખ રોકડા રૂપિયા જપ્ત કરાયા છે આ મામલે આબુરોડ પોલીસે 4 આરોપીઓની અટકાયત કરી વધુ તપાસ હાથ ધરી છે

બનાસકાંઠા અડીને આવેલા રાજસ્થાનની આબુ રોડ પોલીસે માવલ ચેક પોસ્ટ પર મોટી કાર્યવાહી કરી છે. બનાસકાંઠાની અમીરગઢ ચેકપોસ્ટને અડીને આવેલી આબુ રોડની માવલ ચેકપોસ્ટ પરથી પોલીસે બાતમીના આધારે કરોડો રૂપિયાનો મુદ્દામાલ ઝડપી પાડ્યો છે. આબુ રોડ પોલીસે માવલ ચેકપોસ્ટ પરથી ખાનગી લગ્ઝરી બસમાં છુપાડેલું 1 કિલો 700 ગ્રામ સોનું, 28 કિલો ચાંદી અને 81 લાખ રૂપિયા રોકડા જપ્ત કર્યા છે.

પોલીસે કરોડો રૂપિયાના સોના ચાંદીના આભૂષણ અને રોકડ રકમ સહિત ખાનગી બસને પણ જપ્ત કરી લીધી છે. હાલમાં આબુ રોડ પોલીસે 4 આરોપીઓની અટકાયત કરીને આ મામલે વધુ તપાસ હાથ ધરી છે