ગાંધીનગર તા.૨૬: ગુજરાત રાજ્ય નાણા પંચના અધ્યક્ષ શ્રી યમલ વ્યાસે તાજેતરમાં એક ખાસ મુલાકાતમાં રાજ્યના નાણાકીય સ્વાસ્થ્ય, આર્થિક પડકારો અને ભવિષ્યની વિકાસ યોજનાઓ અંગે વિગતવાર ચર્ચા કરી હતી.

શ્રી વ્યાસે ગુજરાતના આર્થિક માળખાને મજબૂત કરવા માટેની મુખ્ય નીતિઓ, સુધારાઓ અને રોકાણ યોજનાઓ પર પણ ભાર મૂક્યો. સ્થિતિસ્થાપક અને આત્મનિર્ભર નાણાકીય ભવિષ્યની દ્રષ્ટિ સાથે, આ ચર્ચાએ ગુજરાતની આર્થિક સ્થિરતા અને લાંબા ગાળાની સમૃદ્ધિનો રોડમેપ રજૂ કર્યો છે.

શ્રી યમલ વ્યાસે ગુજરાતના વધતા દેવા અંગે ચિંતાઓ અને ગેરસમજણો પર સ્પષ્ટતા કરી. જણાવ્યું કે રાજ્યનું દેવું નિયંત્રણમાં છે અને તેનો ઉપયોગ વિકાસલક્ષી પ્રોજેકટ્સ માટે કરવામાં આવે છે, જે લાંબા ગાળે આર્થિક વૃદ્ધિમાં ફાળો આપશે.

વૈશ્વિક પ્રભાવ અને આર્થિક વલણોઃ વૈશ્વિક આર્થિક પરિસ્થિતિઓ ગુજરાતના અર્થતંત્ર પર કેવી અસર કરે છે તેની ચર્ચા કરતાં તેમણે જણાવ્યું કે રાજ્ય સરકાર આંતરરાષ્ટ્રીય બજારના ઉતાર-ચઢાવને ધ્યાનમાં રાખીને નીતિઓ ઘડી રહી છે.

ટકાઉ વિકાસની રણનીતિઃ ગુજરાતના નાણાકીય ભવિષ્યને મજબૂત કરવા માટે સરકારે રોકાણને આકર્ષવા, ઉદ્યોગોને પ્રોત્સાહન આપવા અને નાણાકીય શિસ્ત જાળવવા પર ધ્યાન કેન્દ્રિત કર્યું છે. ટેકનોલોજી અને નવીનતાનો ઉપયોગ નીતિ નિર્માણમાં વધુ અસરકારક બનશે.

ગુજરાતનું કુલ રાજ્ય સ્થાનિક ઉત્પાદન (જીએસડીપી) ૨૦૨૪–૨૫માં ૨૭.૯ લાખ કરોડ રૂ પિયા સુધી પહોંચવાની ધારણા છે, જે ૨૦૨૩–૨૪ના સુધારેલા અંદાજ કરતાં ૧૩.૩% નો વધારો દર્શાવે છે. જાહેર દેવું ૨૦૨૪–૨૫ના અંત સુધીમાં જીએસડીપીના ૧૫.૩% રહેવાનો અંદાજ છે, જે સંચાલનયોગ્ય સ્તરે છે. નાણાકીય ખાધ ૨૦૨૪–૨૫ માટે જીએસડીપીના ૧.૯% (૫૧૯૧૭ કરોડ રૂ પિયા) નિયત કરવામાં આવી છે, જે કેન્દ્ર સરકારની ૩.૫%ની મર્યાદામાં છે.(૨.૮)