( ભરત શાહ દ્વારા ) નર્મદા : Tata strive skill center દ્વારા ગાઈડ મિત્રો અને હોમસ્ટે ચલાવતા મિત્રોને પ્રવાસીઓ ની સુવિધાઓ આવકાર અંગે તાલીમ આપવામાં આવી. આ RPL (recognition prior learning) પ્રોગ્રામ અંતર્ગત છ દિવસીય નિશુલ્ક તાલીમનું આયોજન કરવામાં આવ્યું હતું .

આ તાલીમ દરમિયાન ગાઈડ મિત્રોને પ્રવાસીઓ સાથે કઈ રીતે વાણી વ્યવહાર કરવો તેમજ પ્રવાસીઓને સ્ટેચ્યુ ઓફ યુનિટી થી સંપૂર્ણ માહિતગાર કઈ રીતે કરવા વગેરે વિષયો પર માહિતગાર કરવામાં આવ્યા, સાથે જ એકતાનગર વિસ્તારમાં તેમજ ગ્રામ્ય વિસ્તારમાં હોમ સ્ટે ચલાવતા મિત્રોને જાળવણીથી લઈને તેમાં આવતા પ્રવાસીઓ સાથે કઈ રીતે વાણી વ્યવહાર કરવો તેમજ શું સગવડો પૂરી પાડવી એ તમામ વિશેની તાલીમ આપવામાં આવી, આ તાલીમ દરમિયાન તમે તમારા હોમમાં પ્રવાસીઓને કઈ રીતે રાખી શકો છો જેવા કેટલાક મુદ્દાઓ પર ચર્ચા કરવામાં આવી તાલીમ પૂર્ણ થયે તમામ તાલીમમાં ભાગ લેનાર મિત્રોને સર્ટિફિકેટ આપવામાં આવ્યા હતા.