ગુજરાતમાં હવે તમામ કામદારો માટે આઈડી પ્રૂફ ફરજિયાત બનશે
ગુજરાત સરકાર દ્વારા હવે કામદારોની ઓળખને વેરિફાઈ કરવા માટે એક સ્ટાન્ડર્ડ ઓપરેટિંગ પ્રોસિઝર (SOP) તૈયાર કરવામાં આવી રહી છે
અમદાવાદ તા.૧૫: ભારત અને પાકિસ્તાન વચ્ચેના સંઘર્ષ તથા રાજ્યમાં ઈલીગલ ઈમિગ્રન્ટ્સ પર ચાલી રહેલી તવાઈ વચ્ચે ગુજરાત સરકારે સતર્ક બની ગઈ છે અને સુરક્ષા વ્યવસ્થા વધારે સઘન કરવામાં આવી રહી છે. સરકાર દ્વારા હવે કામદારોની ઓળખને વેરિફાઈ કરવા માટે એક સ્ટાન્ડર્ડ ઓપરેટિંગ પ્રોસિઝર (SOP) તૈયાર કરવામાં આવી રહી છે, તેમ ગળહ વિભાગના ટોચના સૂત્રોએ જણાવ્યું હતું. ટાઈમ્સ ઓફ ઈન્ડિયાના રિપોર્ટ પ્રમાણે તમામ વર્કર્સને તેમના આઈડી ડોકયુમેન્ટ્સની કોપી પોલીસને સબમિટ કરવા પડી શકે છે, અથવા તો તેમની સામે કાર્યવાહી થઈ શકે છે. જોકે, જે વર્કર્સ બનાવટી કે નકલી ડોકયુમેન્ટ્સ પૂરા પાડશે તો એમ્પ્લોયર જવાબદાર રહેશે નહીં.
સૂત્રોએ જણાવ્યું હતું કે પાનની દુકાનથી લઈને લેબર કોન્ટ્રાક્ટર્સ તથા ઘરમાં નોકર રાખનારા સહિત તમામ એમ્પ્લોયર્સને SOP હેઠળ આવરી લેવામાં આવશે. મંગળવારે ગળહ રાજ્ય મંત્રી હર્ષ સંઘવીએ ટોચના પોલીસ અધિકારીઓની એક બેઠક બોલાવી હતી જેમાં કમિશનર અને જિલ્લા સુપરીટેન્ડન્ટ્સ પણ સામેલ હતા.
હાલમાં જ સરકાર દ્વારા ગુજરાતમાં રહેતા જે ઈલીગલ ઈમિગ્રન્ટ્સને શોધી કાઢવામાં આવ્યા હતા તેમાંથી મોટા ભાગના લોકો વર્ષોથી ગુજરાતમાં રહેતા હતા, જેનો મતલબ છે કે તેઓ પોતાનું ગુજરાન ચલાવવા માટે કંઈકને કંઈક કામ-ધંધો કરતા હતા. તેથી હવે એમ્પ્લોયર્સ માટે તમામ વર્કર્સના આધાર કાર્ડ, રેશન કાર્ડ, મતદાર ઓળખ કાર્ડ જેવા આઈડેન્ટિટી ડોકયુમેન્ટ્સ એકત્રિત કરવી ફરજિયાત રહેશે. તેમણે આ ડોકયુમેન્ટ્સનો રેકોર્ડ રાખવો પડશે અને તેની કોપી નજીકના પોલીસ સ્ટેશનને આપવી પડશે, તેમ ગળહ વિભાગના એક ટોચના અધિકારીએ જણાવ્યું હતું.
સૂત્રોએ જણાવ્યું હતું કે, આ નવી ગાઈડલાઈન્સ અંગેની સૂચનાઓ તમામ કમિશનરેટ્સ અને જિલ્લા પોલીસ સુપ્રીડેન્ટન્ટ્સને મોકલી દેવામાં આવી છે. ગળહ વિભાગ દ્વારા એક SOP પણ બનાવવામાં આવી રહી છે અને ટૂંક સમયમાં તેને સકર્યુલેટ કરવામાં આવશે.
બનાવટી ડોકયુમેન્ટ્સનો ઉપયોગ કરીને ભારતીય પાસપોર્ટ મેળવનારા બાંગ્લાદેશી નાગરિકોની ધરપકડનો ઉલ્લેખ કરતાં સરકારી સૂત્રોએ જણાવ્યું હતું કે, ડોકયુમેન્ટ્સ રાખવાથી જાસૂસી અને દેશવિરોધી પ્રવળત્તિઓ રોકવામાં મદદ મળશે. ગળહ વિભાગના અધિકારીઓએ જણાવ્યું હતું કે, તે કર્મચારીઓના ડેટાને એક જ પ્લેટફોર્મ પર રાખવા માટે ટેક્રોલોજીની મદદ પણ લેશે.
૨૬ એપ્રિલની રાત્રે અમદાવાદ પોલીસે ૮૯૦ ઈલીગલ બાંગ્લાદેશી ઈમિગ્રન્ટ્સની ધરપકડ કરી હતી, જ્યારે સુરત પોલીસે ૧૩૪ લોકોની ધરપકડ કરી હતી. રાજ્યના અધિકારીઓએ જણાવ્યું હતું કે અટકાયત કરાયેલા લોકોમાં ચાર વ્યક્તિઓ ગુનાહિત પ્રવળત્તિઓ સાથે સંકળાયેલા હતા, જેમાં બે અલ-કાયદાના સ્લીપર સેલ માટે કામ કરતો હોવાના શંકાસ્પદ છે. ધરપકડ કરાયેલા ઘણા લોકો ખોટા દસ્તાવેજોનો ઉપયોગ કરીને ગુજરાતમાં રહેતા હતા.(૩૮.૮)
(10:03 AM IST)
છેલ્લા 8 દિવસમાં સૌથી લોકપ્રિય 
