અમદાવાદ શહેરની મધ્યેથી પસાર થતી સાબરમતી નદીને સાફ અને સ્વચ્છ કરવાના સ્વચ્છતા અભિયાન પ્રોજેકટમાં આજે તા. 5 જૂન પર્યાવરણ દિવસ નિમિત્તે હોમગાર્ડઝના પાંચ હજારથી વધુ જવાનો અને સિવિલ ડિફેન્સના સાતસોથી વધુ સ્વયંસેવકો પણ લોકભાગીદારી કરી જોડાશે અને સાબરમતી નદીને સ્વચ્છ કરવામાં તેમની નિષ્કામ માનદ્ સેવા આપશે. આ દિવસે સાબરમતી નદીના પશ્ચિમ છેડે સરદાર બ્રિજની નીચે NID પાસેના પટ્ટા-વિસ્તારમાં તેમજ નદીના પૂર્વ છેડે અટલ બ્રિજની નીચેના ઘાટ વિસ્તારમાં નદીમાંથી મોટા પાયે કચરો એકત્ર કરી તેનો યોગ્ય નિકાલ કરવાનું વિશેષ આયોજન હાથ ધરાયું છે.