સુરતમાં ખાડીપૂર બાદ હવે ખાડારાજથી લોકો હેરાન પરેશાન બન્યા છે. શહેરમાં વરસાદી પાણીમાં અનેક વિસ્તારોમાં રોડ ધોવાયા છે. ખાસ કરીને લિંબાયત અને ઉધના ઝોનના રસ્તા નર્કાગારમાં ફેરવાયા છે. ઠેર-ઠેર રસ્તા પર ખાડાઓનું સામ્રાજ્ય સર્જાયું છે. તો ખાડી આસપાસના વિસ્તારોના રસ્તાઓ પણ બિસ્માર બન્યા છે. તો સારોલી મેન રોડ પર ખાડાઓ પડતા વાહનચાલકોને હાલાકી ભોગવવાનો વારો આવ્યો છે.

 આ તરફ વરાછા-સરથાણામાં મુખ્ય અને આતંરિક રસ્તાઓ પર મસમોટા ખાડા વાહનચાલકો માટે મુશ્કેલીનું કારણ બન્યા છે. સ્થાનિકોની ફરિયાદ છે કે વરસાદ રોકાયા બાદ પણ તંત્ર કુંભકર્ણની નિંદ્રામાંથી જાગ્યું નથી.