ધરોઈ ડેમમાંથી પાણી છોડાતાં સાબરમતી નદીની જળસપાટીમાં નોંધપાત્ર વધારો થયો છે. આથી, નદીના કાંઠા વિસ્તારમાં આવેલા ગામોના લોકોને સુરક્ષિત સ્થળે ખસી જવા અને સાવધ રહેવા માટે સૂચના આપવામાં આવી છે 

  આ દરમિયાન ધરોઈ ડેમમાંથી પાણી છોડાતા સાબરમતી નદીના પ્રવાહમાં વધારો થયો છે. જેના કારણે વડનગરના વાગડી ગામ નજીક નદીના પ્રવાહમાં 7 લોકો ફસાયા હોવાની જાણકારી મળી છે. તંત્ર દ્વારા આ લોકોને બચાવવા માટે તાત્કાલિક રેસ્ક્યુ ઓપરેશન શરૂ કરવામાં આવ્યું છે. આવી પરિસ્થિતિઓમાં નાગરિકોને નદીના કિનારે ન જવાની અને સાવધાની રાખવાની અપીલ કરવામાં આવી છે જેથી કોઈ અકસ્માત ન સર્જાય. આ ઘટનાએ ફરી એકવાર પુરના સમયે સાવચેતી રાખવાના મહત્વ પર ભાર મૂક્યો છે