સુરત જિલ્લાના ઉમરપાડામાં એક ફૂટવેરની દુકાનમાં ભીષણ આગ લાગતા અફરાતફરીનો માહોલ સર્જાયો હતો. આગ એટલી વિકરાળ હતી કે ધુમાડાના ગોટેગોટા દૂર દૂર સુધી દેખાતા હતા. આ ઘટનાને પગલે આસપાસના વિસ્તારના લોકો એકઠા થઈ ગયા હતા. ફાયર બ્રિગેડની ટીમ પહોંચે તે પહેલા જ સ્થાનિક લોકોએ પાણીનો મારો ચલાવીને આગને કાબૂમાં લેવાનો સફળ પ્રયાસ કર્યો હતો, જેના કારણે મોટી દુર્ઘટના ટળી હતી. સદનસીબે, આ ઘટનામાં કોઈ જાનહાનિ થઈ નથી. આગ કયા કારણોસર લાગી તે જાણવા માટે તપાસ હાથ ધરવામાં આવી છે.