રાજકોટ, તા. ૧૯: કાલે ભાવનગર આવી રહેલ વડાપ્રધાન નરેન્‍દ્રભાઈ મોદીની મુલાકાત સંદર્ભે અભેદ સુરક્ષાચક્રમા કોઈ નાનો પણ છેદ ન રહી જાય તે માટે આજે રુટ પર ફાઇનલ રિહર્સલ શરૂ થયું છે , બંદોબસ્‍ત અંતર્ગત આર્મ્‍સ યુનિટના એડિશનલ ડીજીપી પી. કે રોશનને જવાબદારી ગૃહ મંત્રાલય દ્વારા સુપ્રત કરતા તેવો ભાવનગર પોહચી બંદોબસ્‍ત સ્‍કીમ બાબતે ચર્ચાઓનો ધમધમાટ શરૂ કર્યો છે.

અત્રે એ યાદ રહે કે ઓપરેશન સિંદુર પછી આખો પરિસ્‍થિતિનું જે રીતે નિર્માણ થયું છે તે અંતર્ગત ભાવનગર રેન્‍જના વડા અનુભવી સિનિયર ips ગૌતમ પરમાર દ્વારા છેલ્લા ૧૫ દિવસથી ફૂટ પેટ્રોલિંગ, મોબાઈલ પેટ્રોલિંગ, નાઈટ પેટ્રોલિંગ ચુસ્‍ત રીતે શરૂ કરાવવામાં આવ્‍યું છે ભાવનગર એસપી નિતેશ પાંડે આખી ટીમ સાથે કાર્યરત બન્‍યા છે. ભાવનગરમાં પ્રવેશવાના વિવિધ માર્ગો સહિત ૧ ડઝન સ્‍થળો રેન્‍જ વડા દ્વારા એસપી સહિતની ટીમ મારફત. આઇડેન્‍ટીફાઈ કરી નાકાબંધી કરવામાં આવી છે.

ભાવનગર રેન્‍જ વડા  ગૌતમ પરમારને વડાપ્રધાન કાર્યાલય અને spg સાથે લાઈઝનીગ માટે ASLO અર્થાત્‌ એડવાન્‍સ સિકયોરિટી લાયઝનીગ ઓફિસરની જવાબદારી સુપ્રત કરવામાં આવી છે.