ભરૂચ : રાજ્યમાં ટોલ પ્લાઝા વિવાદનો અડ્ડો બની ગયો હોય તેમ વારંવાર ટોલ પર થયેલી બબાલના દ્રશ્યો સામે આવી રહ્યા છે. આ વખતે ભરૂચમાં ટોલ પ્લાઝાના કર્મચારીઓની દાદાગીરી મોબાઈલ વીડિયોમાં કેદ થઈ છે. આપ દ્રશ્યોમાં જોઈ શકો છો કે બેથી ત્રણ ટોલ પ્લાઝાના કર્મચારીઓએ ટ્રેલરચાલકને બેફામ માર મારી રહ્યા છે. આ મારમારી કઈ બાબતે થઈ રહી છે તે અંગે કોઈ માહિતી સામે નથી આવી પરંતુ અન્ય ટ્રકચાલકે વીડિયો ઉતારતા તેના સાથે પણ દાદાગીરી કરી હોવાના આક્ષેપ ઉઠ્યા છે. આ વીડિયો સામે આવતાની સાથે જ પોલીસે સમગ્ર મામલે તપાસ હાથ ધરી છે.