અમદાવાદ :રાજ્યમાં બેવડી ઋતુની અસર જોવા મળી છે, સવારે અને રાત્રે ઠંડી તો બપોરે ગરમીનો અહેસાસ થઈ રહ્યો છે, કેટલાક જિલ્લાઓમાં હળવા વરસાદની આગાહી કરવામાં આવી છે. ડાંગ, તાપી, નવસારી, વલસાડ અને દમણમાં હળવા વરસાદની આગાહી કરવામાં આવી છે. ગુજરાતમાં 20 થી 22 ઓક્ટોબર દરમિયાન મધ્યમ વરસાદની આગાહી કરવામાં આવી છે, દક્ષિણ ગુજરાતમાં ભારે વરસાદી ઝાપટાં પડી શકે છે અને અમદાવાદમાં વાદળછાયું વાતાવરણ રહેશે તેવી આગાહી હવામાન વિભાગ દ્વારા કરવામાં આવી છે, નવેમ્બર મહિનાની શરૂઆતમાં ઠંડી જોર પકડવાનું શરૂ કરશે અને ઠંડીનો અહેસાસ શહેરીજનો કરશે.