ગાંધીનગર :વિક્રમ સંવત ૨૦૮૨ના નૂતન વર્ષના પ્રથમ દિવસે ગાંધીનગરમાં રાજભવન ખાતે રાજ્યપાલ આચાર્ય દેવવ્રતજીને મુખ્યમંત્રી ભુપેન્દ્રભાઈ પટેલે નૂતન વર્ષની શુભકામનાઓ પાઠવી હતી. રાજભવન ખાતે પધારેલા મુખ્યમત્રીનું રાજ્યપાલએ સ્વાગત કરીને નવ વર્ષની અંત:કરણ પૂર્વક શુભેચ્છાઓ પાઠવી હતી.
રાજ્યપાલ સમગ્ર ગુજરાતીઓને નવ વર્ષની શુભેચ્છા પાઠવતા જણાવ્યું કે, નવા વર્ષનું આગમન આપણા જીવનમાં નવી ઊર્જા, નવી ઉમંગ અને નવા સંકલ્પ લઈને આવે છે. આ શુભ અવસરે લોકોએ જીવનમાં નૈતિક મૂલ્યો, સામાજિક જવાબદારી અને પર્યાવરણ પ્રત્યેની સંવેદનશીલતાને વધુ મજબૂત બનાવવાનો સંકલ્પ લેવો જોઈએ. તેમજ સ્વદેશી અપનાવીને પ્રધાનમંત્રી નરેન્દ્રભાઈ મોદીજીના આત્મનિર્ભર ભારતના સંકલ્પને ચરિતાર્થ કરવા મહત્તમ યોગદાન આપવું જોઈએ.