અમદાવાદ : હવામાન વિભાગની આગાહી મુજબ ગીર સોમનાથ જિલ્લાના વેરાવળ, સુત્રાપાડા અને પ્રાચી આસપાસના વિસ્તારોમાં છૂટાછવાયા વરસાદ વરસ્યો છે. ગીર વિસ્તારના અનેક ગામોમાં વાતાવરણમાં પલટો. ખાંભા, ઘંટીયા, પ્રાચી, ટીંબી અને કાજલી સહિતના ગામોમાં કમોસમી વરસાદ વરસતાં ખેડૂતોની ચિંતા વધી છે. અચાનક પડેલા આ વરસાદથી ખેતરમાં ઉભી મગફળી અને અન્ય પાકને નુકસાન થવાની ભીતિ વ્યકત થઈ રહી છે. હવામાન વિભાગે આગામી 24 કલાક દરમ્યાન હળવા વરસાદની શક્યતા વ્યક્ત કરી છે.