અમદાવાદ : ગુજરાતના પ્રવાસીઓના માનીતા સ્થળ માઉન્ટ આબુમાં સુરક્ષા સામે ગંભીર સવાલ ઉઠાવતી એક ઘટના સામે આવી છે. ધોળા દિવસે માઉન્ટ આબુના તિબેટીયન બજારમાં એક મહિલાના ગળામાંથી હારની ચીલઝડપ થઈ હતી. એક બાઇક ચાલક મહિલાના ગળામાંથી હાર છીનવીને તાત્કાલિક ફરાર થઈ ગયો હતો. આ સમગ્ર ઘટના નજીકમાં લાગેલા સીસીટીવી કેમેરામાં કેદ થઈ ગઈ છે. આ ઘટનાએ પ્રવાસીઓની સુરક્ષા વ્યવસ્થા પર ગંભીર પ્રશ્નો ઊભા કર્યા છે.