વડોદરાના સાંસદ ડૉ. હેમાંગ જોશીએ સંસદમાં માર્ગ પરિવહન મંત્રી સમક્ષ વડોદરા હાઇવે પરના ચાર સાંકડા પુલોના કારણે થતા ભારે ટ્રાફિક જામનો મુદ્દો રજૂ કર્યો હતો. તેમણે જણાવ્યું કે આ સાંકડા પુલોને કારણે ચોમાસા જેવી કટોકટીની પરિસ્થિતિમાં રેપિડ એક્શન ટીમ સમયસર ઘટનાસ્થળે પહોંચી શકતી નથી. તેથી, ડૉ. જોશીએ આ સમસ્યાના નિરાકરણ માટે પુલોને પહોળા કરવા ઉપરાંત રેપિડ એક્શન ટીમનું કાર્યાલય વડોદરાની નજીક યોગ્ય સ્થળે ખસેડવા માટે પણ માંગણી કરી છે.