અમદાવાદ :ગુજરાત પોલીસની ભરતીની તૈયારી કરતાં ઉમેદવારો માટે ખુશખબર છે. ગુજરાત પોલીસ ભરતી બોર્ડે પોલીસ વિભાગમાં વર્ગ 3 સંવર્ગ હેઠળ પોલીસ સબ ઇન્સ્પેક્ટર (PSI) અને લોકરક્ષક (LRD) કેડરની કુલ 13,591 જગ્યા માટે ભરતીની શારીરિક કસોટીની સંભવિત તારીખ જાહેરાત કરી છે. 

ગુજરાત પોલીસ ભરતી બોર્ડ દ્વારા જાહેરાત ક્રમાંક GPRB/202526/1ની પો.સ.ઇ. કેડર અને લોકરક્ષક કેડરની ભરતી અંગેની શારીરિક કસોટી સંભવિત જાન્યુઆરી-2026ના ત્રીજા સપ્તાહથી યોજાઈ શકે છે. 

પીએસઆઈ કેડર (PSI Cadre) - કુલ 858 જગ્યા

બિન હથિયારી પોલીસ સબ ઇન્સ્પેક્ટર-659

• હથિયારધારી પોલીસ સબ ઇન્સ્પેક્ટર-129

• જેલર ગ્રૂપ 2- 70

• લોકરક્ષક કેડર (Lokrakshak Cadre) - કુલ 12,733 જગ્યા

• બિન હથિયારી પોલીસ કોન્સ્ટેબલ: 6942

• હથિયારધારી પોલીસ કોન્સ્ટેબલ: 2458

• હથિયારધારી પોલીસ કોન્સ્ટેબલ (SRPF):3002

• જેલ સિપાહી (પુરુષ): 300

• જેલ સિપાહી (મહિલા / મેટ્રન): 31

અરજી કેવી રીતે કરવી? 

• અરજી કરવા ગુજરાતની સત્તાવાર વેબસાઇટ ojas.gujarat.gov.in  ની મુલાકાત લેવી.

• 3/12/ 2025 બપોરે 2 વાગ્યે અરજીની શરૂઆત થશે.

• અરજી કરવાની છેલ્લી તારીખ: 23/12/2025ના રોજ રાતે 11:59 વાગ્યા સુધી.