મહેસાણામાં કેબિનેટ પ્રધાન ઋષિકેશ પટેલે ઉતરાયણનો તહેવાર ઉત્સાહપૂર્વક ઉજવ્યો હતો. કાર્યકરો સાથે ધાબા પર પતંગોત્સવનો આનંદ માણી તેમણે પરંપરા અને ઉત્સવની ખુશી વહેંચી. આ પ્રસંગે તેમણે વિકસિત ભારત અને સ્વદેશીના સંકલ્પ સાથે પર્વ ઉજવવાનો સંદેશ આપ્યો અને જણાવ્યું કે તહેવારો દેશની આર્થિક તરલતા અને સમૃદ્ધિ વધારવામાં મહત્વની ભૂમિકા ભજવે છે. સાથે જ તેમણે લોકોને સાવચેતી સાથે ઉતરાયણ ઉજવવા, ઠંડીથી બચવા મફલર પહેરી બહાર નીકળવા અપીલ કરી હતી. અબોલ પક્ષીઓ ઘાયલ ન થાય તેની ખાસ તકેદારી રાખવા અને માનવતા સાથે પર્વ ઉજવવા પણ તેમણે અનુરોધ કર્યો હતો.