અમદાવાદનું સાબરમતી હવે દેશના સૌથી મોટા બુલેટ ટ્રેન ડેપો તરીકે ઓળખાશે, જ્યાં ટ્રેનોની જાળવણી અને સમારકામ થશે.
ભારતના મહત્વાકાંક્ષી બુલેટ ટ્રેન પ્રોજેક્ટ અંતર્ગત અમદાવાદના સાબરમતીમાં દેશનું સૌથી મોટું 'બુલેટ ટ્રેન મેન્ટેનન્સ હબ' તૈયાર કરવામાં આવશે. આ ડેપો કુલ ૮૪ હેક્ટર જમીન પર ફેલાયેલો હશે. અહીં અત્યાધુનિક સુવિધાઓ ઉપલબ્ધ હશે જ્યાં હાઈ-સ્પીડ ટ્રેનોનું ટેકનિકલ પરીક્ષણ, સફાઈ અને સમારકામ કરવામાં આવશે. આ પ્રોજેક્ટ ગુજરાતના ઇન્ફ્રાસ્ટ્રક્ચર વિકાસમાં એક નવું સીમાચિહ્ન સાબિત થશે.