અમદાવાદ,તા.૧૭: ગુજરાતના અમદાવાદનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. ૧૦ માળની પાણીની ટાંકી ઉપર એક JCB ઊભેલું જોવા મળે છે. આટલી ઊંચી પાણીની ટાંકી પર બુલડોઝરની કાર્યવાહી આﾍર્યજનક છે. આટલી ઊંચાઈ પર બુલડોઝર જોઈને લોકો પૂછી રહ્યા છે, તે ઉપર ચઢી ગયું છે, તે કેવી રીતે નીચે આવશે? આ પાણીની ટાંકી ૭૦ વર્ષથી વધુ જૂની છે. તે ૧૯૫૦ના દાયકામાં બનાવવામાં આવી હતી. તેને ગુરુવારે તોડી પાડવામાં આવી હતી. થાંભલા તોડી પાડવાનું કામ હવે ચાલી રહ્યું છે.

૭૦ વર્ષ પછી આ પાણીની ટાંકી તોડી પાડવી અત્‍યંત પડકારજનક હતી. તેને તોડવા માટે તેની ઉપર ૮ ટનની JCB મશીન લગાવવામાં આવી હતી. સોશિયલ મીડિયા યુઝર્સ તો એવી પણ ટિપ્‍પણી કરી રહ્યા છે કે, કલ્‍પના કરો કે પ્રાચીન ભારતમાં ઈન્‍ફ્રાસ્‍ટ્રક્‍ચર કેટલું મજબૂત અને ટકાઉ હતું. ઘણા લોકો JCB ડ્રાઈવરની કુશળતા, હિમત અને જોખમ લેવાની ક્ષમતાની પ્રશંસા કરી રહ્યા છે.

આ ૭૦ વર્ષ જૂની પાણીની ટાંકી અમદાવાદના જૂના વિસ્‍તાર સારંગપુરમાં આવેલી હતી. ગુરુવારે ઓવરહેડ પાણીની ટાંકી તોડી પાડવામાં આવી હતી. તેની જર્જરિત સ્‍થિતિને કારણે, ઓગસ્‍ટ ૨૦૨૫માં તેને અસુરક્ષિત જાહેર કરવામાં આવી હતી. ભારે ક્રેન અને JCB મશીનનો ઉપયોગ કરીને ટાંકી ઉપાડવામાં આવી હતી.