ખેડા જિલ્લાના ઠાસરા તાલુકાના યાત્રાધામ ડાકોરમાં એક બેકાબૂ કાર ખાણીપીણીની લારી સાથે અથડાઈ હતી. આ ઘટના ડાકોર બસ સ્ટેશન નજીક GEB ઓફિસ બહાર બેકાબુ કાર લારીને અડફેટે લઈને એક નાના મંદિર સાથે અથડાઈને અટકી હતી  

કારની ટક્કરથી ખાણીપીણીની લારીને ભારે નુકસાન થયું હતું અને તે સંપૂર્ણપણે નાશ પામી હતી. જોકે, કોઈ વ્યક્તિને શારીરિક ઈજા ન થતાં મોટી દુર્ઘટના ટળી હતી. આ અકસ્માતને કારણે લારી ચલાવનાર વ્યક્તિને મોટું આર્થિક નુકસાન થયું છે. 

 બપોરના સાડાત્રણ થી ચાર વાગ્યાના અરસામાં કાર ચાલકે વાહન પરનો કાબૂ ગુમાવ્યો હતો. કાર રોડની બાજુમાં ઉભેલી ખાણીપીણીની લારી સાથે અથડાઈ હતી. લારીને અડફેટે લીધા બાદ કાર એક નાના માતાજીના મંદિરે અથડાઈને અટકી હતી.