સુરતના ઉમરપાડા તાલુકાના લીમોદરા પાટીયા પાસે આવેલા 66 કેવી સબ સ્ટેશન પર વીજ કરંટ લાગવાથી એક યુવકનું કરુણ મોત નીપજ્યું છે. નસારપુર ગામનો વતની અને મજૂરી કામ કરતો આ યુવક જ્યારે વીજપોલ પર ચડીને નડતરરૂપ ઝાડી-ઝાંખરા હટાવી રહ્યો હતો, ત્યારે અચાનક વીજ પ્રવાહની ઝપેટમાં આવી ગયો હતો. યુવકને તાત્કાલિક હોસ્પિટલ ખસેડવાની તજવીજ હાથ ધરવામાં આવી હતી, પરંતુ સારવાર મળે તે પહેલા જ તેણે દમ તોડી દીધો હતો. આ ઘટનાને પગલે શ્રમિક પરિવારમાં શોકનું મોજું ફરી વળ્યું છે અને તંત્ર દ્વારા અકસ્માત અંગે તપાસ શરૂ કરવામાં આવી છે.