કડીના જાસલપુર ગામે સ્થાનિક પાણી પુરવઠા માટે મહત્વપૂર્ણ ગણાતી 40 વર્ષ જૂની જર્જરિત પાણીની ટાંકીને તોડી પાડવામાં આવી છે. 40,000 લીટરની ક્ષમતા ધરાવતી આ ટાંકી જોખમી બનતા અધિકારીઓની હાજરીમાં તેને તોડી પાડવાની કામગીરી હાથ ધરવામાં આવી હતી.

આ જૂની ટાંકીના સ્થાને હવે આધુનિક અને મોટી ક્ષમતા ધરાવતી નવી પાણીની ટાંકીનું નિર્માણ કરવામાં આવશે. 30 લાખ રૂપિયાના ખર્ચે 1 લાખ લીટરની નવી ટાંકી બનાવવાની યોજના છે. આ પ્રોજેક્ટ પૂર્ણ થયા બાદ જાસલપુર ગામના ગ્રામજનોને અઢી લાખ લીટરની ક્ષમતા ધરાવતા સંપમાંથી પાણીનો પુરવઠો પૂરો પાડવામાં આવશે, જે પાણીની સમસ્યા હલ કરવામાં મદદરૂપ થશે અને ગ્રામજનોને સુવિધાઓ પૂરી પાડશે