પ્રધાનમંત્રી નરેન્દ્રભાઈ  મોદીથી પ્રેરિત થઈને, 77મા પ્રજાસત્તાક દિવસ નિમિત્તે ગુજરાતના કચ્છ જિલ્લાના ધોરડો વિસ્તારમાં (કચ્છ નું રણ) એક ઐતિહાસિક અને રાષ્ટ્રીય સ્તરે પ્રતિષ્ઠિત કાર્યક્રમનું આયોજન કરવામાં આવી રહ્યું છે, જ્યાં ખાદીમાંથી બનાવેલ વિશ્વનો સૌથી મોટો રાષ્ટ્રધ્વજ (ત્રિરંગો) સંપૂર્ણ આદર અને ઉત્સાહ સાથે પ્રદર્શિત કરવામાં આવશે. વધુમાં, ગ્રામોદ્યોગ વિકાસ યોજના હેઠળ ગુજરાતના કારીગરોને મશીનો અને ટૂલકિટનું વિતરણ કરવામાં આવશે.

આ કાર્યક્રમ 26 જાન્યુઆરીએ સવારે 8:30 વાગ્યે યોજાશે. આ કાર્યક્રમમાં ખાદી અને ગ્રામોદ્યોગ આયોગના અધ્યક્ષ મનોજ કુમાર મુખ્ય મહેમાન તરીકે હાજર રહેશે. આ પ્રસંગે, ભારતીય સેના અને સરહદ સુરક્ષા દળના સૈનિકો દ્વારા વિશાળ ધ્વજને સલામી આપવામાં આવશે.

આ કાર્યક્રમમાં જનપ્રતિનિધિઓ, વહીવટી અધિકારીઓ, ભારતીય સેનાના વરિષ્ઠ અધિકારીઓ અને ખાદી અને ગ્રામોદ્યોગના પ્રતિનિધિઓ હાજર રહેશે. મીડિયા પ્રતિનિધિઓને આ ઐતિહાસિક ઘટનાના સાક્ષી બનવા માટે ગુજરાતના કચ્છ જિલ્લાના ધોરડો (કચ્છ નું રણ) ખાતે કાર્યક્રમ સ્થળની મુલાકાત લેવા વિનંતી કરવામાં આવે છે.