ગાંધીનગરમાં સરકારી વાહનોના દુરુપયોગનો વધુ એક કિસ્સો સામે આવતા કડક કાર્યવાહી કરવામાં આવી છે. પોલીસવાનમાં બિંદિયા સોમપુરા નામની યુવતીએ રીલ બનાવતા આ કેસમાં હોમગાર્ડ દશરથ રાવળને સસ્પેન્ડ કરવામાં આવ્યા છે. 

 તપાસમાં ખુલાસો થયો છે કે ૩ ફેબ્રુઆરીના રોજ દશરથ રાવળ આ યુવતીને (જે તેમની સંબંધી છે) નવા સચિવાલય મૂકવા ગયા હતા, ત્યારે જિલ્લા કમાન્ડન્ટની જાણ બહાર સરકારી ગાડીનો ઉપયોગ કરી રીલ બનાવવામાં આવી હતી. સોશિયલ મીડિયામાં આ વીડિયો વાયરલ થયા બાદ શિસ્તભંગના પગલે હોમગાર્ડ વિભાગે આ આકરું પગલું ભર્યું છે.