તાપીના સોનગઢમાં બેંકમાંથી પૈસા ઉપાડી જતા એક વૃદ્ધની નજર ચૂકવી 45 હજાર રૂપિયાની ચોરી કરનાર ટોળકીને પોલીસે ગણતરીના કલાકોમાં ઝડપી પાડી છે. CCTV અને ટેકનિકલ સર્વેલન્સની મદદથી પોલીસે 4 આરોપીઓની ધરપકડ કરી છે. પકડાયેલ આરોપીઓ પૈકી યોગેશ પાટીલ અને સતનામ સામે અગાઉ પણ અનેક ગુના નોંધાયેલા છે. પોલીસે આરોપીઓ પાસેથી રોકડ રકમ, કાર અને મોબાઈલ સહિત કુલ રૂા. 3.65 લાખનો મુદ્દામાલ જપ્ત કર્યો છે. આ સફળ કામગીરીથી પંથકમાં સુરક્ષાનો વિશ્વાસ વધ્યો છે.