મધુર ડેરીના નિર્ણયના કારણે પશુપાલકો હેરાન થઈ ગયા છે. વાત એવી છે કે મધુર ડેરીએ પશુપાલકોનું દૂધ લેવાની મનાઈ કરી દેતા વિવાદમાં આવી ગઈ છે. ઉપરથી સમયમર્યાદા આપવાની જગ્યાએ આવતીકાલથી જ આ નિર્ણયને અમલમાં લાવી દીધો છે.

મધુર ડેરીના આ નિર્ણયના કારણે દેહગામના પશુપાલકો જિલ્લા રજીસ્ટ્રારની કચેરીએ પહોંચ્યા હતા અને આ નિર્ણય અંગેની રજુઆત કરી હતી. ઉલ્લેખનીય છે કે એક આંકડા પ્રમાણે 15 હજાર જેટલા પશુપાલકોને નુકસાન થઈ શકે છે. બીજી બાજુ પશુપાલકો 4 મહિનાથી દૂધ ભરતા હતા. ત્યારે મધુર ડેરી દ્વારા લેવામાં આવેલા આ નિર્ણયનો કોઈ ઉકેલ આવે છે કે સ્થિતિ આમ ને આમ રહે છે તે જોવાનું રહ્યું.