અમદાવાદ : દારૂબંધીના દરોડા દરમિયાન હિંસા: પોલીસ ટીમને નિશાન બનાવી અમદાવાદ જિલ્લાના નળ સરોવર પાસે આવેલા દુર્ગી ગામમાં દારૂની બદી ડામવા ગયેલી પોલીસ ટીમ પર સ્થાનિકોના ટોળાએ હિંસક હુમલો કર્યો હતો. બાતમીના આધારે રેડ કરવા પહોંચેલી પોલીસ પર પથ્થરમારો કરી કાયદો અને વ્યવસ્થાના ધજાગરા ઉડાડવામાં આવ્યા હતા.

પોલીસની સતર્કતાથી મામલો બિચક્યો પોલીસે જ્યારે દારૂના ધંધા સાથે સંકળાયેલા એક આરોપીને ભાગતા અટકાવી ઝડપી પાડ્યો, ત્યારે ઉશ્કેરાયેલા ગ્રામજનોએ પોલીસ પર હુમલો કરી તેને છોડાવવાનો પ્રયાસ કર્યો હતો. આ દરમિયાન પોલીસ વાહનો અને જવાનો પર પથ્થરો ફેંકવામાં આવ્યા હતા.

રાતોરાત 17 આરોપીઓ જેલના સળિયા પાછળ હુમલાની ઘટના બાદ પોલીસ હરકતમાં આવી હતી અને આખા ગામને બાનમાં લઈ મેગા કોમ્બિંગ ઓપરેશન હાથ ધર્યું હતું. પોલીસે 20 શંકાસ્પદોને રાઉન્ડ અપ કર્યા હતા, જેમાંથી પથ્થરમારામાં સક્રિય ભૂમિકા ભજવનાર 17 મુખ્ય આરોપીઓની સત્તાવાર ધરપકડ કરવામાં આવી છે.

'સરકારી કામમાં રૂકાવટ કરનારને બક્ષવામાં નહીં આવે' પોલીસે સ્પષ્ટ સંદેશ આપ્યો છે કે કાયદો હાથમાં લેનારા તત્વો સામે કડક કાર્યવાહી થશે. હાલમાં ઘટનાસ્થળના વીડિયો ફૂટેજના આધારે અન્ય ફરાર હુમલાખોરોની ઓળખ કરી તેમને ઝડપી પાડવા ચક્રો ગતિમાન કર્યા છે.